دوای روسیا، ئەمریکا هەوڵ بۆ چارەسەری گرژییەکانی قامیشلۆ دەدات

0
163

SNN

سەبارەت بەو گرژی و ئاڵۆزییەی لە رۆژی 20-04-2021ـەوە لە قامشلۆ دروستبووە، جەنەراڵ کێنیز مکێنزی، فەرماندەی فەرماندەیی ناوەندی هێزەکانی ئەمریکا دەڵێت “دەمانەوێت کێشەی قامشلۆ لەڕێگەی گفتوگۆوە چارەسەر بکەین”.

کێنیز مکێنزی فەرماندەی ناوەندی هێزەکانی ئەمریکا لە کۆنفرانسێکی رۆژنامەوانیدا راشیگەیاند، هێزەکانی سوریای دیموکرات هاوبەشی گرنگی ئەمریکان و ئەمریکاش دەیەوێت بە گفتوگۆ چارەسەری دۆخی شڵەژاوی ئەو شارە بکات.

رۆژی سێشەممە 20ی نیسان لە قامشلۆ شەڕ لەنێوان ئاسایشی رێڤەبەری خۆسەر و چەکدارانی بەرگریی نیشتمانیی سەر بە حکومەتی سووریا روویدا.

رۆژی چوارشەممە 21-4-2021، شاندێکی سەربازیی رووسی لەگەڵ هەردوو لایەنی شەڕەکە لە فڕۆکەخانەی قامشلۆ کۆبووەوە و ئەنجامی کۆبوونەوەکەش ئاگربەست بوو، بەڵام ئەمڕۆ ئاگربەستەکە پێشێلکرا و شەڕ دەستیپێکردەوە.

رووبەڕووبوونەوەکان ناوە ناوە لەو شارە دروستدەبن، هێزەکانی دیفاع وەتەنی سوریا لە گەڕەکی تەی بڵاوەیان پێکروە و هێزی ئاسایشی رۆژئاواش بەرامبەریانن، زۆربەی پێکادانەکان لەسەر راستە شەقامی ئەوگەڕەکە بەردەوامییان هەیە.

 

بەشی بکە لە
Previous Next
Close
Test Caption
Test Description goes like this