محەمەد جەواد زەریف سەردانی عێراق و هەرێم دەکات

0
221

SNN

محەمەد جەواد زەریف وەزیری دەرەوەی ئێران ئەمڕۆ دەگاتە عێراق و سەردانی هەرێمی کوردستانیش دەکات.

سەعید خەتیبزادە، وتەبێژی وەزارەتی دەرەوەی ئێران لە کۆنگرەیەکی ڕۆژنامەوانیدا رایگەیاند: “محەمەد جەواد زەریف لەگەڵ شاندێکی یاوەری سەردانی وڵاتانی عێراق و قەتەر دەکات”.

بەپێی ئەو زانیاریانەی ماڵپەڕی وەزارەتی دەرەوەی ئێران بڵاویکردووەتەوە، سەردانەکەی زەریف بۆ عێراق بەردەوامیدانە بە پەیوەندیی هاوبەشی هەردوو وڵات، هاوکات قسەکردن لەسەر گۆڕانکارییەکانی ناوچەکە”.

محەمەد جەواد زەریف، لەگەڵ سەردانی بۆ عێراق، سەردانی هەرێمی کوردستانیش دەکات و لەگەڵ بەرپرسانی هەرێم کۆدەبێتەوە.

لە ماوەی رابردوودا مستەفا کازمی نێوەندگری کۆبوونەوەیەکی نێوان ئێران و سعودیەی کرد و بڕیارە ئەم هەفتەیەش کۆبوونەوەیەکی دیکە رێکبخرێت، پێشبینی دەکرێت ئەو پرسە لە سەردانەکەی زەریف بۆ عێراق تاوتوێبکرێت.

بەشی بکە لە
Previous Next
Close
Test Caption
Test Description goes like this