وەزیری بەرگری ئێران: گەر قاسم سلێمانی نەبوایە ئەمریکا ئیسلامی دەسڕیەوە

0
260

SNN

وەزیری بەرگری ئێران دەڵێت “بەرەی مقاوەمەی ئێران لە عێراق و سوریا و لوبنان و یەمەن ئەمڕۆ هێزێکی گەورەن و لە ناوچەکەدا حیسابی جیایان بۆ دەکرێت” دەشڵێت “گەر قاسم سلێمانی نەبوایە ئەمریکا رەگی ئیسلامی لە بنەوە هەڵدەکێشا”.

ئەمیر حاتەمی بۆ ئاژانسی ئێرنا راشیگەیاندووە “دەبێت ئیسرائیلییەکان و ئەمریکییەکان ئەوە بزانن، سوپای شۆڕش و پاسدار لەژێرئاڵای ویلایەتی فەقی بەردەوامن لە بەرگریکردن لە بەهاکانی ئیسلام”.

وتیشی: “گەر قاسم سلێمانی و بەرەی مقاوەمە لە عێراق و سوریا و لوبنان و یەمەن نەبوایە، ئەمریکا دەمێک بوو رەگ و ریشە ئیسلام و شۆڕشی ئیسلامیی لە ناوچەکەدا لە بنەوە دەردەهێنا”.

رۆژی 3ی کانوونی دووەمی ساڵی پار پاش لێکۆڵینەوەی ورد لە جووڵە و شوێنی جەنەڕاڵ قاسم سلێمانی، پاش دابەزینی لە فڕۆکەخانەی بەغدا لەلایەن فڕۆکەیەکی بێ فڕۆکەوانەوە کاروانی ئۆتۆمبێلەکانی کرایە ئامانج و تێیدا قاسم سلێمانی و ئەبو مەهدی موهەندیس سەرۆکی گشتی دەستەی حەشدی شەعبی و چەند پاسەوان و فەرماندەیەکی دیکە کوژران.

لە ئەنجامی هێرشەکە و دوای چەند رۆژێک ئێران بەچەند مووشەکێک بۆ سەر بنکە سەربازییەکانی ئەمریکا لە عێراق وەڵامی دایەوە بەبێ بوونی هیچ زیانێکی مرۆیی.

بەشی بکە لە
Previous Next
Close
Test Caption
Test Description goes like this