تەندروستی کۆیە روونکردنەوە لەسەر ئەو هاوڵاتییە دەدات دوای کوتانی بە دژە کۆرۆنا گیانیلەدەستدا

0
473

SNN

دوای ئەوەی مامۆستایەک لەکۆیە دواى شەش رۆژ کوتانى بە ڤاکسینى کۆرۆنا گیانىلەدەستدا، بەرپرسانى تەندروستی ناوچەکەش دەڵێن پێدەچێت هۆکارى مردنى نەخۆشى شەکرە و تەسکبوونەوەى دەمارەکانى دڵى بوبێت نەک ڤاکسین.

بەڕێوەبەرایەتی گشتی تەندروستی کۆیە لە ڕوونکردنەوەیەکدا کە بۆ SNNی ناردووە، ڕایگەیاندووە، دوای ئەوەی مامۆستا محەمەد لە کۆیە گیانیلەدەستدا، باس لەوەکرا هۆکارەکەی بۆ بەکارهێنانی ڤاکسینی ڤایزەر بووە و بۆ ئەوەش لەلایەن تەندروستی کۆیەوە لیژنەیەک بۆ لێکۆڵێنەوە پێکهێنرا.

اماژە بەوەشکراوە، دوای وەرگرتنی زانیاری لە کەسوکاری نەخۆش و لە نەخۆشخانەی شەهید دکتۆر خالید دەرکەوت گیانلەدەستدانی بەهۆی ئەو نەخۆشیانە بووە کە مامۆستای کۆچکردوو هەیبوون، ئەوانیش تەسکبوونەوەی دەمارەکانی دڵی و نەخۆشی شەکرە و بەرزبوونەوەی فشاری خوێن و پابەندی ڕێنماییەکانی پزیشکیش نەبووە لە بەکارهێنانی چارەسەرەکانی.

تەندروستی کۆیە باسی لەوەشکردووە، بەپێی بەدواداچوونەکان ئەو شەوەی مامۆستاکە کۆچی دوایی کردووە هەناسەى توند بووە، هەموو ئەو هۆکارانەش ئاشکرایدەکەن کە بەهۆی نەخۆشی دڵ و لەکارکەوتنی کۆچی دوایی کردووە پێی ناچێت بەهۆی لێکەوتەکانی ڤاکسینی فایزەر بووبێت.

مامۆستاکە ناوى محەمەد مەنمیە و شەش رۆژ لەمەوبەر ڤاکسینی فایزەری وەرگرت و شەوی ڕابردوو گیانیلەدەستدا.

بەشی بکە لە
Previous Next
Close
Test Caption
Test Description goes like this