ئاستی ئاوی بەنداوی دەربەندیخان 10 مەتر کەمیکردووە

0
93

SNN

بەراورد بە ساڵی رابردوو، ئاستی ئاوی بەنداوی دەربەندیخان 10 مەتر کەمیکردووە و هۆکارەکەشی کەمی رێژەی بارانبارین و گرتنەوەی سەرچاوە ئاوییەکانە لە ئێرانەوە.

ڕەحمان خانی، بەڕێوەبەری بەنداوی دەربەندیخان لە لێدوانێکیدا بۆ دەنگی ئەمریکا باسی لەوە کرد کە ئەمساڵ پێنج سەد و پەنجا ملیۆن مەتر سێ جا ئاوی کەمتر لە بەنداوی دەربەندیخاندا هەیە و ئەوەش ڕێژەیەکی زۆر کەمە.

وتیشی: “ئێستا ملیار و دوو سەد مەتر سێ جا ئاو لە بەنداوی دەربەندیخاندا هەیە، لەکاتێکدا ساڵی پار ئەمڕۆ دە مەتر ئاستی ئاو بەرزتربوو، هەروەها پێنج سەد و پەنجا ملیۆن مەتر سێ جا ئاوی زیاتر تیابوو.”

هەروەها وتیشی لە دەیەکانی ڕابردوودا چەند وشکەساڵییەکامان بینیوە بەڵام ئەو ڕێژە کەمەی بارانی ئەمساڵ وا دەکات ساڵی ٢٠٢١ ساڵێکی زۆر جیاواز بێت و بە وشکەساڵی بدرێتە قەڵەم.

هەموو ئەو کەسانەی کە خەریکی کشتوکاڵن لە ناوچەی گەرمیان و پشت بە ئاوی سیروان دەبەستن، چاوەڕوان دەکرێت ئەمساڵ ڕووبەڕووی کێشەی کەمئاوی ببنەوە و بەنداوی دەربەندیخانیش داوا لە جوتیاران دەکات کە زیادەڕۆیی نەکەن لە بەکارهێنانی ئاودا.

 

بەشی بکە لە
Previous Next
Close
Test Caption
Test Description goes like this