بافڵ تاڵەبانی: ناتوانین ژیانێکی ئارام بژین ئەگەر یەکدەنگ نەبین

0
409
SNN
بافڵ تاڵەبانی هاوسەرۆکی یەکێتی سەرەخۆشی لە کەسوکاری شەهیدەکانی شەوی رابردووی پێشمەرگە کرد و راشیگەیاند: ” ناتوانین ژیانێکی ئارام و سەقامگیرمان هەبێت ئەگەر هەموومان پێکەوە یەکدەنگ”.
بافڵ تاڵەبانی رایگەیاند: پرسە و سەرەخۆشی ئاراستەی بنەماڵە و کەسوکاری ئەو پێشمەرگە قارەمان و تێکۆشەرانە دەکەم کە بەهۆی پەلامارە تیرۆریستییەکەی چەکدارانی داعشەوە شەهیدبوون و هیوای چاکبوونەوەی خێرا بۆ بریندارەکان دەخوازم، مەترسییەکانی داعش لە عێراق و هەرێمی کوردستان کۆتایی نەهاتووە و چەندینجاریش هۆشداریمان لە هەبوونی بۆشایی ئەمنی لەنێوان هێزەکانی پێشمەرگە و سوپای عێراق لە ناوچە جێناکۆکەکان داوە. کە بەداخەوە هێرشەکەی شەوی ڕابردووی چەکدارانی داعش لە ئەنجامی سوودوەرگرتن بووە لەو بۆشاییە ئەمنییە”.
ئاماژەی بەوەشکرد: “رووبەرووبوونەوەی تیرۆر و پاراستنی سەقامگیری هەرێمی کوردستان و عێراق ئەرکی هەموولایەکمانە و پێویستە هاوکاری و هەماهەنگی نێوان سوپای عێراق و هێزەکانی پێشمەرگە زیاتربێت. ناتوانین ژیانێکی ئارام و سەقامگیرمان هەبێت ئەگەر هەموومان پێکەوە یەکدەنگ و یەکدەست نەبین بۆ رووبەرووبوونەوەی هەڕەشە و مەترسییەکان”.
بەشی بکە لە
Previous Next
Close
Test Caption
Test Description goes like this