ئێران و ئەمریکا لێدوانی جیاواز لەبارەی گفتوگۆکانی نێوانیان دەدەن

0
179

SNN

سەرۆکی شاندی دانوستانکاری ئێران رایگەیاند: تاران پێشبینی دەکات ئەمریکا سزاکانی سەر کەرتی نەوت و بانک و کەسایەتی و دامودەزگاکانی وڵاتەکە هەڵبگرێت و ئەوەش لە دەرئەنجامی گفتوگۆکانمان لەگەڵ ئەمریکا لە ڤیەنا.

عەباس عارەقچی جێگری وەزیری دەرەوەی ئێران بە میدیای فەرمی ئێرانی وت: “سزاکانی سەر کەرتی وزەی ئێران کە نەوت و گاز دەگرێتەوە، یاخود تەواوی سزاکانی دیکە هەڵدەگیرێن ئەوەش لە چوارچێوەی رێککەوتنمان لەگەڵ ئەمریکا” بەبێ ئەوەی بڵێت بە چ میکانیزمێکئەو سزایانە هەڵدەگرێت و ئێران لە بەرامبەردا چۆن وەڵامی داواکارییەکانی واشنتن دەداتەوە.

ناوبراو وتی: “دانوستانەکانمان بەردەوام دەبن تا لێکنزیکبوونەوەی زیاتر لەنێوان هەردوولامان روودەدات و داواکارییەکانمان جێبەجێ دەکرێن، هەرکاتێک جێبەجێکران ئەوکاتە دەگەینە رێککەوتن و ئەگەریش جێبەجێ نەکران رێکناکەوین”.

لەوبارەیەوە جەیک سولیڤان راوێژکاری ئاسایشی نیشتمانی ئەمریکا وتی: “گفتوگۆکانمان لەگەڵ ئێران هێشتا تەمومژاوین”.

سولیڤان وتی: “ئامادەباشیمان لە هەردوولا بینیووە، بەتایەت ئێران کە جددییە لە گفتوگۆکردن سەبارەت بە گەڕانەوەی بۆ رێککەوتنی ناوەکی ئێران”.

لەلایەکی دیکەوە نێد پرایس وتەبێژی وەزارەتی دەرەوەی ئەمریکا وتی: “لە گەیشتن بە لێکتێگەیشتنەوە نزیک نین، رێگایەکی دوور و درێژمان لەبەردەمدایە”.

جۆو بایدن سەرۆکی ئەمریکا خوازیارە بگەڕێتەوە بۆ ڕێککەوتنی پێنج کۆیەک کە دۆناڵد ترەمپ سەرۆکی ئەمریکا لێیکشایەوە و دواتر سزای قورسی بەسەر تاراندا سەپاند، لە شاری ڤیەناش گفتوگۆی نێوان بەرپرسانی ئێرانی و ئەمریکی بۆ گەڕاندنەوە بۆ رێککەوتنەکە بەردەوامە.

 

بەشی بکە لە
Previous Next
Close
Test Caption
Test Description goes like this