کونسوڵخانەی ئەمریکا لەبارەی ئازادی رادەربڕین لە هەرێم روونکردنەوە دەدات

0
214

SNN

کونسوڵخانەی گشتی ئەمریکا لە هەولێر لە روونکردنەوەیەکدا کە بۆ زۆرینەی دەزگاکانی راگەیاندنیان لە هەرێم ناردووە و کۆپیەکی دەست SNN کەوتووە لەبارەی ئازادی رادەربڕین لە هەرێمی کوردستان دەدوێت و دەڵێت: “هەمیشە پشتیوانی لە ئازادی رادەربڕین دەکەین”.

لە روونکردنەوەکەدا دەڵێت: “هەرچەندە، ئێمە بۆچوونی خۆمان لەسەر کەیسی تاکەکەس لە دادگا نادەین، بەڵام ویلایەتە یەکگرتووەکانی ئەمریکا هەر لە سەرەتاوە پشتگریی ئازادیی رادەربڕین و میدیایی کردووە.”

ئەوەش هاتووە: “ئەوە بەشێکە لە ناسنامەی ئێمە و بەردەوام دەبین لە پشتگیریکردنی وەکو یەکێک لە بەها سەرەکییەکانمان، هەروەها بەردەوام دەبین لە جەختکردنەوە لە گرنگی پێویستییە یاساییەکان و سەروەری یاسا، لەنێویشییاندا گەیشتن بە راوێژی یاسایی.”

ئەو کونسوڵخانەیە باسی لەوەشکرد: “ئێمە لە تەواوی حکومەتەکانی سەرانسەری جیهان چاوەڕێ دەکەین رێز لە کاری دیپلۆماتەکانی ئەمریکا لە وڵاتەکەیاندا بگرن، کە هاوشێوەی رۆژنامەنووسان چاویان بە چەندین جۆر کەس دەکەوێت بۆ ئەنجامدانی کارەکانیان و ئێمە هەمان رێز لەو دیپلۆماتە بیانیانە دەگرین کە لە ئەمریکا کار دەکەن، لە ناویشیاندا نوێنەرانی حکومەتی هەرێمی کوردستان.”

 

بەشی بکە لە
Previous Next
Close
Test Caption
Test Description goes like this