به‌وێنه‌: له‌ یارییه‌كى دۆستانه‌دا هەڵبژاردەی سلێمانى و هه‌ولێر به‌یه‌كگه‌یشتن

0
207
یاری دۆستانەی سلێمانی و هەولێر

ئەردەڵان محەمەد- SNN Sport

 

بۆ یه‌كه‌مجار له‌ شارى سلێمانى یارییه‌كى دۆستانه‌ له‌ نێوان  هەڵبژاردەی یاریزانانى یانه‌كانى شارى سلێمانى و  هه‌ولێر به‌ڕێوه‌چوو.

 

یاریه‌كه‌ له‌ یاریگاى ئاشتى ئه‌نجامدرا به‌ ئاماده‌بوونى به‌رپرسانى وه‌رزشی و سیاسی و هانده‌رێكى زۆرى شارى سلێمانى.

 

له‌ نێو پێكهاته‌ى هه‌ردوو تیپدا چه‌ندین ئه‌ستێره‌ى یانه‌كانى هه‌ردوو شاره‌كه‌ى تێدا بوو به‌ تایبه‌تى سلێمانى كه‌ هه‌ریه‌ك له‌ هه‌وار مه‌لا محه‌مه‌د و هه‌ڵگورد مه‌لا محه‌مه‌د یاریزانانى پێشووى هه‌ڵبژارده‌ى عێراق.

له‌ یاریه‌كه‌دا سه‌ره‌ڕاى چه‌ندین جوڵه‌ى جوانى یاریزانانى هه‌ردوولا و له‌ ده‌ستدانى چه‌ندین هێرشی ئاسان، به‌ڵام هه‌ردوو تیپ نه‌یانتوانى سه‌ركه‌وتووبن و گۆڵى هه‌ردوو تیپیش به‌ خاوێنى مایه‌وه‌.

 

ئه‌حمه‌د سالار رێكخه‌رى یاریزانانى سلێمانى ئه‌وه‌ى خسته‌ڕوو:” ئامانج له‌ ئه‌نجامدانى ئه‌م یارییه‌ زاڵبوونه‌ به‌سه‌ر نه‌خۆشی كۆرۆنادا كه‌ سوپاس بۆ خوا له‌ ئێستادا به‌ره‌و نه‌مان ده‌ڕوات، هه‌روه‌ها ئامانجێكى ترمان ئه‌وه‌یه‌ كه‌ وه‌رزش تێكه‌ڵاوى سیاسه‌ت نه‌كرێت، جگه‌ له‌وه‌ى په‌یامێكیشه‌ بۆ به‌رپرسانى یه‌كێتى تۆپى پێى كوردستان كه‌ چالاكیه‌كانیان ده‌ست پێبكه‌نه‌وه”‌.

 

له‌لاى خۆیه‌وه‌ سه‌رهه‌نگ موحسین كاپتنى یاریزانانى هه‌ولێر رایگه‌یاند:” دواى پچڕانى ئه‌و په‌یوه‌ندییه‌ وه‌رزشییانه‌ى هه‌بوو به‌ هۆى بڵاوبوونه‌وه‌ى كۆرۆناوه‌ كه‌ بووه‌ هۆى وه‌ستانى سه‌رجه‌م چالاكییه‌ وه‌رزشییه‌كان، هه‌وڵده‌ده‌ین كه‌ به‌رده‌وامبین له‌سه‌ر ئه‌مجۆره‌ یارییانه‌ بۆ ئه‌وه‌ى هانده‌ران دڵخۆشبن به‌ تایبه‌تى له‌م یاریه‌دا كه‌ هانده‌رێكى زۆر ئاماده‌ى بینینى بوون.

یاریه‌كه‌ بێبه‌ش نه‌بوو له‌ گله‌یی یاریزانانى هاوشانى ئه‌حمه‌د سالار و یاریزانه‌ دێرینه‌كانى شارى سلێمانى كه‌ بانگێشتى یاریه‌كه‌ نه‌كرابوون، باسی ئه‌وه‌ش ده‌كه‌ن كه‌ نه‌ده‌بوایه‌ بێبه‌ش بوونایه‌ له‌مجۆره‌ یاریانه‌دا، هه‌رچه‌نده‌ رێكخه‌رى یاریه‌كه‌ نایشارێته‌وه‌ كه‌ به‌هۆى بوونى كێشه‌یه‌كه‌وه‌ بانگهێشتى ئه‌و یاریزانانه‌ نه‌كرابوو، چونكه‌ پێشتر ناوییان له‌ پێكهاته‌كه‌دا هه‌بووه‌.

   

بەشی بکە لە
Previous Next
Close
Test Caption
Test Description goes like this