لەبارەی بڵاوبوونەوەی نەخۆشی لە کوشتارگەی سلێمانی روونکردنەوە دەدرێت

0
261

SNN

ئەمڕۆ یەکشەممە، کوشتارگەی نوێی سلێمانی لەبارەی بڵاوبوونەوەی نەخۆشییەکی مەترسیداری ئاژەڵی لە وڵاتانی دراوسێ ڕوونکردنەوەیەکی بڵاوکردەوە و ڕایگەیاند: ئەو هەواڵانە بێبنەمان و دوورن لەڕاستییەوە و تەنها بۆ داواکارن هاووڵاتیان خۆیان لە گۆشتی سەرشەقام بپارێزن.

لە ڕوونکردنەوەیەکدا کوشتارگەی نوێی سلێمانی ئاماژە بەوە دەکات ” چەند پەیجێک بە پشت بەستن بەزانیاریەکی هەڵە، هۆشداریان داوەتە هاووڵاتیان لەبارەی هەبوونی نەخۆشیەکی مەترسیدار لە وڵاتانی دراوسێ و قەدەغەکردنی هاوردەکردنی ئاژەڵ لەلایەن نەتەوە یەکگرتووکان”.

روونیشیدەکاتەوە “دڵنیاتان دەکەین هیچ جۆرە قەدەغەیەکی لەوجۆرە بوونی نییە، قاچاغ لە ڕووی یاساییەوە ڕێگەپێدراو نییە، بەدرێژایی ژیانی مرۆڤایەتی نەخۆشیەک هەیە لەڕووی زانستیەوە پێی دەڵێن نەخۆشیە مرۆژەڵیەکان، ئەو نەخۆشیانەش بەکتریا، ڤایرۆسی یاخود مشەخۆرین، لایەنی پەیوەندیدار و کوشتارگەکان بەردەوام لەڕێگەیی پسپۆڕانی تایبەتمەندیەوە ، ڕەتی دەکەنەوە و لەناوی دەبەن”.

ئەوەشی خستووەتەڕوو، “تەنها داواکارین هاووڵاتیان لەگۆشتی سەرشەقام و بێ پشکنراو خۆیان بەدور بگرن تا دڵنیابن لەتەندروستیی خۆیان و خێزانیان و هیچ پێویست بەدڵڕاوکێی ناکات، دووپاتی دەکەینەوە ئەو زانیارییانە بێ بنەمان”.

بەشی بکە لە
Previous Next
Close
Test Caption
Test Description goes like this