ئەمنستی: پێویستە حکومەتی هەرێم بە بێ مەرج گیراوانی بادینان ئازاد بکات

0
401

 

SNN

رێکخراوی لێبوردنی نێودەوڵەتی ئەمنستی ئینتەرناشناڵ سەپاندنی سزای زیندان بەسەر چالاکوانانی بادینان بە نادادپەروەرانە ناودەبات و داوای دەستبەجێ ئازادکردنیان دەکات.

لە تویتێکدا ئەمنستی رایگەیاندوە: “بڕیاری دادگای پێداچوونەوەی هەرێم بۆ سزادانی شێروان شێروانی، گوهدار زێباری، هەریوان عیسا، ئەیاز ئەکرەم و شڤان سەعید، بە دڵنیاییەوە رەتدەکەینەوە، سەرەڕای سەرپێچیکردنی ستانداردەکانی دادگایەکی دادپەروەرانە”.

راشیگەیاندوە: “ئەو پێنج چالاکوان و رۆژنامەنوسانە لە دادگایەکی نادادپەروەرانەدا سزایان بەسەردا سەپێنراوە، لەو کاتەوە کەس و کاریان نەیانتوانیوە بیانبینن و داوا لە حکومەتی هەرێم دەکەین بەپەلە و بێ مەرج ئازادیان بکات”.

پەسەندکردنی سەپاندنی سزا بە سەر ئەو چالاکوان و رۆژنامەنوسانەی بادینان نەک هەر لە سەر ئاستی ناوخۆ، بەڵکوو لە دەرەوەش کاردانەوە و ناڕەزایەتی زۆری لێکەوتوەتەوە و بە بڕیارێکی سیاسی لێکدراوەتەوە، دژ بە رەخنەگران و دەنگە ناڕازیەکان.

بەشی بکە لە
Previous Next
Close
Test Caption
Test Description goes like this