کاروان گەزنەیی: داهاتی ئەم وڵاتە 85% بۆ 95 لەسەر نەوتە بەڵام وەزيری سامانە سروشتييەکان شاراوەيە

0
256

SNN

ئەندامێکی ليژنەی وزە و سامانە سروشتييەکان لە پەرلەمانی کوردستان رايگەياند: “ پرسی نەوت لە هەریمی کوردستان کێشەی گەورەی تێدايە و پێويستی بە چارەسەر هەيە، ئەوەش دەکەوێتە سەر ئەوەی تا چەند وەزيری سامانە سروشتييەکان ئامادەی ئەوەی تێدايە ئەو کێشانە چارەسەر بکات و لەژێر هەيمەنەی حيزب و شەخسدا نييە”.

کاروان گەزنەی ئەندامی پەرلەمانی کوردستان لە ليژنەی وزە و سامانە سروشتييەکان بە SNNی راگەياند: “داهاتی ئەم وڵاتە 85% بۆ 95 لەسەر نەوتە بەڵام وەزيری سامانە سروشتييەکان شاراوەيە، پرسی نەوت لە هەریمی کوردستان کێشەی گەورەی تێدايە و پێويستی بە چارەسەر هەيە، ئەوەش دەکەوێتە سەر ئەوەی تا چەند وەزيری سامانە سروشتييەکان ئامادەی ئەوەی تێدايە ئەو کێشانە چارەسەر بکات و لەژێر هەيمەنەی حيزب و شەخسدا نييە”.

وتيشی “پەيکەربەندی وەزارەتی سامانە سروشتييەکان گرنگە لە چارەسەرکردنی کیشەکانی نەوت، دەشکەوێتە سەر ئەوەی وەزيری سامانە سروشتييەکان و وەزارەتەکەی تا چەند ئامادەی ئەوەی تیدايە دەست بۆ گرفتەکانی گریبەستەکانی نەوت و خەرجکردنی داهاتەکەی بەرێت گرنگی دەبێت، بەڵام پێموانييە ئەم وەزيرەش وەک ئەوانيديکە هيچ گۆڕانکارييەک بکات”.

سەبارەت بە بڵاوکردنەوەی داهاتی نەوتی هەرێميش کاروان گەزنەی دەڵێت “حکومەتی هەرێم بە رەسمی هيچ شتێک بڵاوناکاتەوە و تاکە وەسيلە بەدەستمانەوە راپۆرتەکانی ديلۆيتە، ئەوەش جێگەی متمانە نييە چونکە راستەوخۆ دەستی ناگات بە گرێبەستەکانی نەوت، ئەوەشی بڵاويدەکاتەوە پڕيەتی لە پرسياری بێ وەڵام”.

بەشی بکە لە
Previous Next
Close
Test Caption
Test Description goes like this