وەزیری تەندروستی: خۆتان دووربگرن لە قەرەباڵغی و ماسک ببەستن

0
379
سامان به‌رزنجى، وه‌زیرى ته‌ندروستیى هه‌رێم | فۆتۆ: SNN

SNN

وه‌زیری ته‌ندروستی هەرێم رێنمایی هاووڵاتییان دەکات خۆتان بپارێزن لە ڤایرۆسی کۆرۆنا، ئەوەش بە دوورکەوتنەوە لە سەردانیکردنی یەکتر.

د. سامان حسین به‌رزنجی وه‌زیری ته‌ندروستی به‌بۆنه‌ی هاتنی جه‌ژنی ڕه‌مه‌زانی پیرۆز رایگه‌یاند: سوپاستان ده‌كه‌ین بۆ پابه‌ندبوونتان به‌ڕێنماییه‌ ته‌ندروستیه‌كان له‌ ماوه‌ی ڕابردوودا، له‌ ئێستادا ترسناكی بڵاوبوونه‌وه‌ی ئه‌م ڤایرۆسه‌ ته‌واو نه‌بووه‌ و هه‌ر بوونی هه‌یه‌، تكایه‌ خۆتان دوور بگرن له‌ قه‌ره‌باڵغی و سه‌ردان و به‌ركه‌وتن و نزیك بوونه‌وه‌ی ڕاسته‌وخۆ.

هه‌روه‌ها وه‌زیری ته‌ندروستی ده‌ڵێت: دانانی ماسك زۆر گرنگه‌ و هۆكاری سه‌ره‌كی خۆپارێزیيه‌ بۆ خۆت و خانه‌واده‌ و كه‌سانی ده‌ووروبه‌رت.

سامان به‌رزنجی ده‌شڵێت: ئه‌و ڕێكارانه‌ی ده‌گیرێته‌به‌ر بۆ سه‌لامه‌تی و پاراستنی ئێوه‌ی خۆشه‌ویسته‌، ئومێده‌وارین هه‌موو پێكه‌وه‌ خۆپارێزی كه‌سی و ئامۆژگاریه‌كانی ته‌ندروستی جێبه‌جێ بكه‌ین، هیوادارین ئه‌و ئاسته‌نگیانه‌ی هاتوونه‌ته‌ پێش به‌ زووترین كات تێیپه‌ڕێنین و هه‌مووان ئاسوده‌ی ژیانێكی ئاسایی و ته‌ندروست بین.

بەشی بکە لە
Previous Next
Close
Test Caption
Test Description goes like this