تەندروستی جیهانی: بەکارهێنانی ڤاکسین بۆ منداڵان پێویست نییە

0
263
SNN
بەڕێوەبەری رێکخراوی تەندروستیی جیهانی دەڵێت بەکارهێنانی ڤاکسینی دژە کۆرۆنا بۆ منداڵان پێویست نییە و داوا لە وڵاتانی دەوڵەمەند دەکات ئەو کارە نەکەن.
تێدرۆس ئەدهانۆم، بەڕێوەبەری گشتیی رێکخراوی تەندروستیی جیهانی لە کۆنفرانسێکی رۆژنامەوانیدا رایگەیاند: ڤاکسینی کۆرۆنا لەم قۆناغەدا بۆ منداڵان و نەوجەوانان شتێکی پێویست نییە و نەوجەوان و کەسانی تەندروست پێویستیان بەو ڤاکسینە نییە.”
ئەدهانۆم داوا لە وڵاتانی جیهان و بەتایبەت وڵاتانی دەوڵەمەند دەکات لە جیاتی بیرکردنەوە لە کوتانی منداڵان و کەسانی تەندروست بە ڤاکسین، بیر لەوە بکەنەوە ئەو ڤاکسینە بنێرن بۆ کۆگاکانی سیستمی کۆڤاکس بۆ دابەشکردنی ڤاکسین بەسەر وڵاتانی هەژاردا کە ئێستا زۆربەیان بەهۆی کەمیی داهاتەوە توانای دابینکردنی ڤاکسینیان نییە.
بەپێی ئەو ئامارانەی داتاکانی ئاژانسی فرانس پرێس کۆی کردوونەتەوە، تاوەکو ئێستا نزیکەی 1.4 ملیار ژەمە ڤاکسین لە 210 وڵات و ناوچە لە خەڵک دراون. کە 44%ـی ئەو رێژەیە لە وڵاتانی دەوڵەمەند بووە.
بەشی بکە لە
Previous Next
Close
Test Caption
Test Description goes like this