ئەمریکا داوا دەکات هاووڵاتییەکانی دەستبەجێ ئەفغانستان جێ بهێڵن

0
230

SNN

له‌ راگه‌یه‌ندراوێكدا، باڵیۆزخانه‌ی ئه‌مه‌ریكا له‌ ئه‌فغانستان داوای له‌ هاووڵاتییانی ئه‌مه‌ریكی له‌و وڵاته‌ كرد، زۆر چاوكراوه‌ بن و ئاماده‌كاری بكه‌ن، بۆ ئه‌وه‌ی له‌ نزیكترین ده‌رفه‌تدا ئه‌فغانستان جێ بهێڵن، ئه‌مه‌ش دوای گرژی و ئاڵۆزییه‌كان و ئه‌و رووبه‌ڕووبوونه‌وه‌ و توندوتیژیانه‌ی له‌ نێوان هێزه‌كانی حكومه‌تی ئه‌فغانستان و بزووتنه‌وه‌ی تاڵیبان هاتوونه‌ته‌ ئاراوه‌.

له‌ بڵاوكراوه‌یه‌كدا باڵیۆزخانه‌ی ئه‌مه‌ریكا له‌ ئه‌فغانستان له‌ پێگه‌ی فه‌رمی خۆی له‌ تۆڕی ئینته‌رنێت هۆشدارییه‌كی توندی ئه‌منیی دایه‌ هاووڵاتییانی ئه‌مه‌ریكی له‌و وڵاته‌ و تێیدا هاتووه‌: “به‌هۆی هه‌ڵچوونه‌‌ مێژوویه‌كانی توندوتیژی له‌ ئه‌فغانستان له‌ دوای پشووی جه‌ژن، پێویسته‌ هاووڵاتیانی ئه‌مه‌ریكی له‌و وڵاته‌ له‌ شوێنه‌ قه‌ره‌باڵغه‌كان زۆر وریا و چاوكراوه‌ بن، له‌وانه‌ش بازاڕه‌كان، په‌رستگا و بانكه‌كان”.

واشنتن نیگه‌رانی خۆی له‌وه‌ش راگه‌یاند، كه‌ چه‌كداران سوورن له‌سه‌ر به‌ ئامانجكردنی كه‌سانی بیانی له‌ڕێگه‌ی رفاندنیان یان هێرش كردنه‌ سه‌ریان له‌ شوێنه‌كانی وه‌ك هوتێل، كۆمه‌ڵگاكانی نیشته‌جێبوون، خاڵه‌كانی پشكنینی ئه‌منی و شوێنه‌كانی دیكه‌.

باڵیۆزخانه‌ی ئه‌مه‌ریكا داواشی له‌ هاووڵاتیانی وڵاته‌كه‌ی له‌ ئه‌فغانستان كرد، “له‌ڕێگه‌ی كۆمپانیاكانی فڕۆكه‌وانیی بازرگانییه‌وه‌ هێڵێك بۆ به‌جێهێشتنی ئه‌فغانستان بكه‌نه‌وه‌”.

ئه‌مه‌ له‌كاتێكدایه‌، ئه‌مه‌ریكا ئاماده‌كاری ده‌كات، بۆ ئه‌وه‌ی له‌ 11ی ئه‌یلوول/ سێپته‌مبه‌ری داهاتوو ته‌واوی هێزه‌كانی له‌ ئه‌فغانستان بكێشێته‌وه‌، كه‌ هاوكاته‌ له‌گه‌ڵ بیسته‌مین ساڵیادی هێرشه‌كه‌ی 11ی سێپته‌مبه‌ری ساڵی 2001، كه‌ بووه‌ هۆی په‌لكێشكردنی ئه‌مه‌ریكا بۆ شه‌ڕێكی سه‌خت له‌ ئه‌فغانستان.

بەشی بکە لە
Previous Next
Close
Test Caption
Test Description goes like this