خۆپیشاندانی بەشێک لە چین و توێژەکانی سەیدسادق دەستیپێکرد

0
267

SNN-عەلی حەمەسەعید

ئەمڕۆ مامۆستایان و فەرمانبەران و بەشێک لە چین و توێژەکانی دیکەی قەزای سەیدسادق دژی دواکەوتنی مووچە و خراپی گوزەرانیان خۆپیشاندانیان ئەنجامدا و چەند داواکارییەکیان ئاراستەی حکومەت کرد.

ڕەوف ئەحمەد، یەکێک لە بەشداربووانى خۆپیشاندانەکە بە SNNى راگەیاند: ئەم خۆپیشاندانەمان بەهۆى دابەشنەکردنى مووچەى مامۆستایان و فەرمانبەران لەکاتى خۆیدا و خراپی بار و گوزەرانى هاوڵاتیان ئەنجامداوە.

ئاماژەى بەوەشکرد: “ئەمە یەکەم هەڵوێستى خەڵک و مامۆستا و فەرمانبەرانى هەڵەبجەیە کە داواى مافێکى سەرەتایى خۆمان دەکەین کە دابەشکردنى مووچەیە و ڕاگرتنی سوکایەتیکردنە بە شکۆی مامۆستایان”.

ئەو بەشدار بووەى خۆپیشاندانەکەى سەیدسادق جەختى لەوەشکردەوە: “ئەگەر حکومەت هەروا بێباک بێت لە ئاست هاوڵاتیان و موچەخۆران لە رۆژانى داهاتوودا هەڵوێستى توندمان دەبێت”.

هەر لەو خۆپیشاندانەدا، مامۆستایانی وانەبێژ داوای دامەزراندنیان کرد.

ئەم خۆپیشاندانەی سەیدسادق لەکاتێکدایە هەر ئەڕۆ لە دهۆک و کەلار خۆپیشاندانی ناڕەزایی دژی دواکەوتنی مووچە بەڕێوەچوو.

بەشی بکە لە
Previous Next
Close
Test Caption
Test Description goes like this