نوێترین زانیاری لەسەر پلە بەرزکردنەوەی فەرمانبەران و دامەزراند لە SNN ئاشکرادەکرێت

0
907

SNN- عەلی حەمەسەعید

سەرچاوەیەک لە وەزارەتی دارایی کە نەیوست ناوی خۆی ئاشکرا بکات بە SNNی راگەیاند: لەبەر ئەوەی عێراق هیچ میلاکێکی بۆ دانەناوین بۆ دامەزراند، بەڵام لە رەشنووسی پرۆژە یاسای بودجەدا داوامانکردووە ئەو پلە شاغیرانەی کە بەهۆی خانەنشین بوونەوە یان بەهۆی مردنەوە یان هەر هۆکارێکی تر پەیدابوون، بەو میلاکانە پڕبکرێتەوە کە کەسانی گرێبەست بۆیە ئەولەویەت بۆ گرێبەستەکانە بەڵام بەپێی ئەو بۆشایانەی کە هەیە.

سەبارەت بە پلە بەرزکردنەوەی فەرمانبەران ئەو سەرچاوەیە لە وەزارەتی دارایی ئەوەی روونکردنەوە: کە پلە بەرزکردنەوە لە دەسەڵاتی وەزارەتی دارایی نییە چونکە بە بڕیاری ئەنجوومەنی وەزیران پلە بەرزکردنەوەی فەرمانبەران راگیراوە، خودی ئەنجوومەنی وەزیران بڕیار دەدات کە ئایە پلە بەرزکردنەوە دەبێت یان نا بۆ فەرمانبەران.

سەبارەت بە لێبری مووچە ئەوەی روونکردەنەوە: ئێمە سەد لە سەد بڕیارمان لەسەر ئەوە داوە کە مووچەی فەرمانبەران لەلایەن بەغداوە گەیشت نابێت بە لیبڕینەوە دابەش بکرێت بەڵام دواجار بڕیاری لێبڕینی مووچە لە دەستی ئەنجوومەنی وەزیرانە، تا ئەم ساتەشی کە قسە دەکەین هیچ پارەیەک لە عێراقە نەهاتووە، ئەو رەقەمانەشی باس دەکەن کە لە عێراقەوە بەو برە پارەیە دەگاتە هەرێم وەک هەندیک میدیا باسی دەکات سەرجەمی دوورە لە راستییەوە.

ئەو سەرچاوەیە لە کۆتاییدا ئاماژەی بەوەکرد: تەواوی سەردانەکانی قوباد تاڵەبانی بۆ بەغدا بۆ ئەوە بووە کە هەرێم و بەغدا بگەنە رێککەوتن و هەنگاوی یەکەمیش نراوە کە جێگری سەرۆکی حکومەت پێی هەڵساوە، بۆیە هیچ ئەگەرێک نەماوەتەوە کە چیتر دوای رێککەوتنە هەرێم خۆی مووچەی فەرمانبەرانی دابین بکات، بەڵکو دەبێت بەغدا بەو ئەرکە هەڵسێت لە بەرامبەر ئەو شایستانەی کە لەسەر هەرێم دیاریکراون رەوانەی دەکات.

لەسەر شێوازی لێبڕی مووچەی ئەم مانگەی فەرمانبەران، ئەو سەرچاوەیەی وەزارەتی دارایی ئاماژەی بەوە کرد: تا ئێستا هیچ زانیارییەک لە بەردەستدا نییە کە ئەم مانگە فەرمانبەران چەنێک لە مووچەکانیان دەبرێت، هەروەها سەردانی شاندنی تەکنینی هەرێمیش بۆ بەغدا لە دەسەڵاتی ئەنجوومەنی وەزیرانە، ئەوان کەی بڕیاریاندا شاندە تەکنیکییەکە دەچێتە بەغدا.

بەشی بکە لە
Previous Next
Close
Test Caption
Test Description goes like this