پلانەکەی ئەوقافی کەرکوک بۆ کردنەوەی مزگەوتەکان ئاشکرادەبێت

0
370
کەرکوک

SNN_ عیماد جەباری

ئەحمەد مودەرس بەڕێوەبەری ئەوقافی کەرکوک تایبەت بە SNNی رایگەیاند: ماوەی سێ رۆژە پلانی کردنەوەی مزگەوتەکانمان رادەستی شانەی قەیرانەکان کردووە بۆ ئەوەی رەزامەندی لەسەر کردنەوەی مزگەوتەکان بدەن و پێشبینی دەکرێت ئەمڕۆ گفتوگۆی بکەن.

مودەرس ئەوەشی وت کە کەرکوک لەژێر کۆنتڕۆڵدایە بۆیە ئەو پێشنیارمان کردووە بەتایبەت کە نوێژخوێن لە رووی رەچاوکردنی پاک و خاوێنیەوە دەتوانێت پابەندی رێنماییەکانی تەندروستی بێت.

 

لەبارەی پلانەکەوە، بەڕێوبەری ئەوقاف رونیکردەوە، لەکۆی 800 مزگەوت کە دابەشبوون بەسەر کەرکوک و قەزاو ناحیەکاندا جگە کەحەویجە کە ئەوە بەڕێوەبەرایەتی تایبەت بەخۆی هەیەو راستەوخۆ سەر بە بەغدایە، داوامانکردوە 350 مزگەوت بکرێتەوە کە سەرجەمیان جامیعە (واتا پانتاییەکەی لە 100 مەتر زیاترە) و لەنێو ئەو مزگەوتانەشی کە نێوانیان لەیەکەوە نزیکە هەوڵمانداوە گەورەترینیان هەڵبژێرین.

 

وتیشی، “لەپلانەکەدا ئەوەمان خستوەتەڕوو کە ئەو مزگەوتانەی مەسجدن (واتا پانتایەکەی لە 500 مەتر تێناپەڕێت ) نەکرێتەوە، چوکە پێویستە لەم ماوەیەدا کە کۆتایی بەکۆرۆنا دێت پانتاییەک لەنێوان نوێژخوێنان بمێنێتەوە و هاوشێوەی رابردوو بەتەنیشت یەکترەوە نەبن”.

 

ئەحمەد مودەرس رونشیکردەوە کە لەئەگەری کردنەوەی مزگەوتەکاندا بڕیاریانداوە بەهیچ شێوەیەک تەوالێت و شوێنی دەستنوێژ وەرگرتن بەکارنەهێنرێن و هەموو نوێژخوێنێک لەماڵەوە دەستنوێژ وەرگرێت، هەروەها لەگەڵ خۆیان بەرماڵی تایبەتی بهێنن، هەروەها کۆمەڵێک گەنج دەستنیشانبکرێت بۆ ئەوەی رۆژانە مزگەوتەکانیان پاکژکەنەوە.

 

بەڕێوبەری ئەوقاف راشیگەیاند، لەپلانەکەدا ئەوەیان خستوەتەڕوو کە بەفتوا حەرامی دەکەن کەسانی بەتەمەن و منداڵ و ئەو کەسانەشی بەرگری لەشیان لاوازە و نەخۆشن بەشداری لە نوێژی بەکۆمەڵ بکەن لەمزگەوتەکاندا.

بەشی بکە لە
تاگەکانکەرکوک
Previous Next
Close
Test Caption
Test Description goes like this