بەرهەم ساڵح: بۆ چارەسەرکردنی دۆخی وڵات دەبێت بگەڕێینەوە بۆ رای خەڵک

0
152

SNN

 سەرۆککۆماری عێراق رايگەياند: “پێویستە ھەوڵەکان یەکبخەین بە ئاڕاستەی بەگژداچوونەوەی گەندەڵی”، دەشڵێت “بۆ چارەسەرکردنی دۆخی وڵات دەبێت بگەڕینەوە بۆ رای خەڵک لە رێگەی ئەنجامدانی هەڵبژاردنێكی پاك و بێگەرد”.

بەرهەم ساڵح سەرۆککۆماری عێراق لەمیانی وتارێكدا لە چوارەمین كۆنگرەی ساڵانەی رێكخراوەكانی كۆمەڵگەی مەدەنی جەختی لەگرنگی رۆڵی ئەو رێكخراوانە كردەوە لە چەسپاندنی بنەماكانی دەوڵەتێكی نیشتمانی توانادار و سەروەری یاسا و حوكمڕانی تەندروست، داواشی لە دامەزراوە حكومی و سیاسییەكان كرد پشتیوانی رێكخراوەكانی كۆمەڵگەی مەدەنی بن.

بەرهەم ساڵح ئەوەشی دووپاتكردەوە: “عێراق بە قۆناغێكی هەستیار و مەترسیداری سیاسیدا تێدەپەڕێت، پێويستە هەڵبژاردنی پێشوەخت لەکاتی خۆيدا بەڕێوەبچێت”.

وتيشی: “پێویستە بەگژ گەندەڵی ئیداری و سیاسی و ئابووریدا بچینەوە كە كاریگەریان هەیە لە سەر پڕۆسەی هەڵبژاردن، ئەمەش پێویستی بە گرتنەبەری رێوشوێنی یاسایی جددی و هەڵوێستی سیاسی تازە هەیە”، لەو چوارچێوەيەدا ئاماژەی بەوەکرد: “لە چەند رۆژی رابردوودا سەرۆكایەتی كۆمار پڕۆژە یاسایی گێرانەوەی پارە دزرا و بەتاڵانبراوەكانی گەندەڵی و راوەدوونانی گەندەڵكاران لە ناوەوە و دەرەوەی وڵاتی ئاڕاستەی ئەنجومەنی نوێنەران كردووە”.

لە كۆتایدا سەرۆكکۆمار داوای لە سەرجەم هێز و لایەنە سیاسی و دامەزراوە پەیوەندیدارەكان كرد كە یەكڕیزی و یەكهەڵوێستی نیشتمانی تۆكمەتر بكەن و زمانی ئەقڵ و لۆژیك بكەنە سەرمەشق و بەرژەوەندی باڵای وڵات بخەنە سەرووی هەموو بەرژەوەندییەكانی دیكەوە، بۆ تێپەڕاندنی ئەم دۆخە ئاڵۆز و هەستیارەی ئێستا پێویستە یاسا سەرورە بێت و رێوشوێنە یاساییەكانیش بە باشی پیادە بكرێن”.

بەشی بکە لە
Previous Next
Close
Test Caption
Test Description goes like this