“یەک ملیۆن هەلی کار لەرێگەی وەزارەتی کشتوکاڵی هەرێم و بەغداوە رادەگەیەنین”

0
682

SNN

ئەمڕۆ دووشەممە، محەمەد کەریم خەفاجی وەزیری کشتوکاڵی عێڕاق و بێگەرد تاڵەبانی وەزیری کشتوکاڵ و سەرچاوەکانی ئاوی هەرمی کوردستان سەردانی سلێمانیان کردوو و سەرەتاش سەربرخانەی پیرەمەگرونیان بەسەرکردەوە.

وەزیری کشتوکاڵ لە کۆنەرەیەکی رۆژنامەوانیدا رایگەیاند: دوو ڕۆژە لە هەرێم و لەسەر چارەسەرکردنی چەند کێشەیەکی نێوان هەرێم و بەغدا رێکەوتین و چەند کێڵگەیەکی پەلەوەری و سەربرخانە و سایلۆمان بەسەرکردەوە، لەگەڵ چەند سەربرخایەنەی پێشکەوتوو لە هەموو عێراقدا.

خەفاجی ئاماژەی بەوەشکرد: بەرهەمی ناوخۆی بەلامانەوە گرنگە تا هاووڵاتیانی خۆمان لە بەرووبوومی هاوردەکراوی دەرەکی بپارێزین، دەتوانین لە ئێستادا بڵێین %80 بەرهەمی مریشک و هێلکە لە ناوخۆی وڵاتدا دابینی بکەین، لەگەڵ ئەوەشدا لەسەر ئەوە رێککەوتین کە دەروازە سنوورییەکان کۆنترۆڵ بکەین تا بەرهەمی ناوخۆی لە گۆشت و هێلەکە و مریشک کۆنترۆڵ بکەین، دەتواین یەک ملیۆن هەلی کار لە بوارەکانی کشتوکاڵ لە عێراقدا فەراهەم بکەین، تەنیا بە پشتیوانی بەرهەمی ناوخۆی و پاڵپشتی کەرتی تایبەت بۆ دروستکردنی دەواجنەکان و بەرەو پێشبردنیان.

وتیشی “لەکاتی گەڕانەوەم بۆ بەغداش چەند پرسێک هەیە لەگەڵ سەرۆکوەزیران باس دەکەین بە تایبەتی ناردنی پارەی گەنمی جوتیاران، دەتوانین بڵێن لە %90ی کێشەی نێوان هەرێم و بەغدا لەرووی کشتوکاڵییەوە چارەسەرکراوە”.

لای خۆشییەوە بێگەرد تاڵەبانی رایگەیاند: لەکاتی ئێستادا زۆربەی کێشەکانی نێوان هەرێم و بەغدا چارەسەر بووە بەرهەمی ناوەراست و باشووری عێراق دێتە هەرێم و بەرهەمی هەرێمیش دەچێتە خوارووی عێراق، وەزیری کشتوکاڵیش لە نزیکەوە سەربرخانە و کێلگە پەلەوەرییەکان و کێڵگە کشتوکاڵییەکانی بەسەرکردەوە و بەرهەمەکانی هەرێمی کوردستانی بە گرنگ هەڵسەنگاندا کە رۆڵی دەبێت لە بووژانەوەی بەرهەمی ناوخۆی.

بەشی بکە لە
Previous Next
Close
Test Caption
Test Description goes like this