زانایانی بەریتانی بە بۆمبی شەکر شەڕی شێرپەنجە دەکەن

0
640

SNN

لەبەریتانیا چارەسەرێکی نوێ داهێنراوە، کە بە بۆمبی شەکر ناسراوە و وەک زانایانی ئەو وڵاتە باسی لێدەکەن: “لەچەند چرکەیەکدا خانە شێرپەنجەییەکان لە ناودەبات”.

بەگوێرەی میدیاکانی بەریتانیا ژمارەیەک لە زانایانی زانکۆی ئێدینبێرگ دەرمانێکیان داهێناوە کە لە توانایدایە تەنها لە ماوەی چەند چرکەیەکدا خانە شێرپەنجەییەکان لە ناو ببات و دەرمانەکەشیان ناوناوە “بۆمبی شەکر”.

روونیشیان کردوەتەوە: ” گرێ شێرپەنجەییەکان بۆ بڵاوبونەوە پێویستیان بە خۆراکە، بۆیە بۆمبی شەکر کە دەرمانی شێرپەنجەی تێدایە و کاتێک لەلایەن ئەو خانانەوە قوت دەدرێت، دەبێتە هۆی لەناوچوونیان”.

چارەسەرە نوێکە لەسەر شێرپەنجەی مێشک تاقیکراوەتەوە و سەرکەوتوو بووە، بەڵام هێشتا لەسەر خانەی شێرپەنجەی مەمک، پرۆستات و سییەکان تاقینەکراوەتەوە.

جیا لەوە سەرباری ئەو سەرکەوتنانەی لە تاقیکردنەوە سەرەتاییەکان بەدەستی هێناوە، بەڵام زانایانی بەریتانی رایانگەیاندوە: ” هێشتا پێویستیان بە کاتی زیاترە بۆ ئەوەی دڵنیاببنەوە کە ئایا ئەو چارەسەرە نوێیە بە تەواوەتی بێ زیانە یان نا”.

بەشی بکە لە
Previous Next
Close
Test Caption
Test Description goes like this