رۆژهەڵاتی کوردستان.. بە رووداوێکی هاتوچۆ چوار چالاکوانی ژینگە گیانیان لەدەستدا

0
141

SNN

لە ئەنجامی رووداوێکی هاتوچۆ لە سەر رێگەی نێوان مەریوان و سەقز، چوار چالاکوانی ژینگە گیانیان لەدەستدا.

بەپێی سەرچاوەکانی هەواڵی رۆژهەڵاتی کوردستان لە ئەنجامی پێکدادانی نێوان بارهەڵگرێک و پاسێک، کە سەرنشینەکانی لە ئەندامانی هەردوو ئەنجومەنی سەوزی چیای مەریوان و پاژینی بانە بوون، چوار کەس گیانیان لەدەستداوە.

بەگوێرەی ئەو سەرچاوانە لەو رووداوەدا 11 کەسی تر لە چالاکوانانی بواری ژینگە برینداربوون، کە برینی هەندێکیان سەختە.

هەردوو ئەنجومەنی سەوزی چیای مەریوان و پاژینی بانە دوو لە ئەنجومەنە چالاکەکانی بواری پاراستنی ژینگەن و ساڵانە چەندین چالاکی لە بواری پاراستنی ژینگە، قەدەغەی راو، نەمام ناشتن و کوژاندنەوەی ئاگری دارستانەکان ئەنجام دەدەن.

بەشی بکە لە
Previous Next
Close
Test Caption
Test Description goes like this