هەپەگە: ئۆتۆمبێلەکەی پێشمەرگە لە رێگەی هەوا و بە موشەک لێیدراوە

0
390

SNN

هێزی پاراستنی گەل (هەپەگە) رایگەیاند: “ئەو ئۆتۆمبێلەی لە چیای مەتینا تێکشکێنرا لە لایەن گەریلاوە نەکراوەتە ئامانج”، داواشدەکات لیژنەیەکی سەربەخۆ لێکۆڵینەوە لەو رووداوە بکات.

لە راگەیەنراوێکدا هەپەگە سەبارەت بە رووداوەکەی رۆژی شەممە مەتینا و تەقینەوەی ئۆتۆمبێلێکی زێرەڤانی کە بووە هۆی شەهیدبوونی پێنج پێشمەرگە رایگەیاند: “ڕۆژی 5ی حوزەیران لە کاتژمێرەکانی بەرەبەیانیدا هێزە سەربازییەکانی پارتی بەبێ هیچ زانیارییەک و بەشێوازی ئۆپەراسیۆن ویستیان بچنە ناوچەی گەریلا لە مەتینا ئەمە بێگومان هەڵەیە و خزمەت بە بەرژەوەندی نەتەوەیی ناکات”.

راشیگەیاندوە: “ڕاستە هێزەکانمان لەوێ چەند فیشەکێکیان بۆ ئاگادارکردنەوە تەقاند، بەڵام بەدڵنیایەوە ئەو چەکەی کە بووە هۆی تێکشکاندنی ئەو ئۆتۆمبێلە لەلایەن هێزەکانمانەوە بەکارنەهاتووە، بۆیه ئەو ئۆتۆمبێله له ڕێگای هەوا و موشەکەوە لێیدرا”.

لەکۆتاییشدا هەپەگە رایگەیاندوە: ” بۆیە بۆ پرسی تەقاندنەوەی ئۆتۆمبێلەکە ئێمە وەک هەپەگە ڕایدەگەیەنین کە پێویستە شاندێکی هاوبەش یان شاندێکی سەربەخۆ لێکۆڵینەوە لەو ڕووداوە بکەن و ڕوونکردنەوەی لەسەر بدەن”.

بەشی بکە لە
Previous Next
Close
Test Caption
Test Description goes like this