ناوەڕۆکی کۆبوونەوەکەی بافڵ تاڵەبانی و باڵیۆزی ئێران لە بەغدا

0
474

SNN

لەدوای کۆبوونەوەکەی لەگەڵ باڵیۆزی چین، بافڵ تاڵەبانی پێشوازی لە باڵیۆزی ئێران لە بەغدا کرد و سوپاسی کرد لە بەرامبەر پاڵپشتییەکانی ئێران بۆ هەرێم لە شەڕی دژ بە داعش و هیوایخواست پەیوەندییەکانیان لەگەڵ ئێران زیاتر بەرەوپێش بچن.

بافڵ تاڵەبانی کە سەرۆکایەتی شاندی باڵای یەکێتی دەکات، لە کۆبوونەوەکەیدا لەگەڵ ئیرەج مەسجدی باڵیۆزی ئێران گفتوگۆیان کرد لەبارەی دوایین گۆڕانکارییە و سیاسی ئەمنییەکانەوە و ھەڵبژاردنی پێشوەختەی عێراق، رووبەڕووبوونەوەی پاشماوەکانی داعش و پەیوەندییەکانی ھەرێم و عێراق تاوتوێکران.

بافڵ تاڵەبانی هەڵوێستی یەکێتی روونکردەوە و وتی: لەبەرامبەر ھەموو پێشھاتەکان یەکێتی لەگەڵ تێگەیشتن و گفتوگۆی بونیادنەرانەی نیشتمانی نێوان لایەنە سیاسییەکانی ھەرێم و عێراقە و دەمانەوێت متمانە لەسەر بنەمای بەرژەوەندی گشتی و نیشتمانی بونیادبنێینەوە و دەستوور مەرجەع بێت بۆ چارەسەرکردنی کێشەکان.

بافڵ تاڵەبانی جەختی لە پەرەپێدان و فراوانکردنی پەیوەندییە دۆستانەکانی لەگەڵ کۆماری ئیسلامی ئێران کردەوە لەچوارچێوەی پاراستنی بەرژەوەندییە باڵاکان و خزمەتکردنی گشتی.

لەبارەی پاراستنی سنوورەکان و رووبەڕووبوونەوەی پاشماوەکانی داعش و ھەماھەنگییە سەربازییەکان لەنێوان ھەردوولا، ھاوسەرۆک ستراتیژی رووبەڕووبوونەوەی مەترسییەکانی خستەڕوو و ئاماژەی بە گرنگی بەردەوامی ھەماھەنگییەکان کرد بۆ زاڵبوون بەسەر بۆشاییە ئەمنییەکان و پاراستنی ئاسایش و ئارامی. سوپاسی کۆماری ئیسلامی ئێرانیشی کرد کە لە جەنگی رووبەڕووبوونەوەی داعش ھاوکاری ھەرێم بوون و رۆڵی گرنگیان گێڕا لە بەرقەرارکردنی سەقامگیری لە ناوچەکە..

بەشی بکە لە
Previous Next
Close
Test Caption
Test Description goes like this