راگەیەندراوێک دەربارەی دەستگیرکردنی مامۆستایان و رۆژنامەنوسانی دهۆک بڵاودەکاتەوە

0
236
لۆگۆى بزووتنه‌وه‌ى گۆڕان | فۆتۆ: SNN

SNN-

ئەمڕۆ 16ی ئایار، مامۆستایانی سنوری پارێزگای دهۆک لە دژی پێنەدانی مووچەکانیان خۆپیشاندانیان ئەنجامدا، هێزێکی ئەمنی هەڵی کوتایە سەر خۆپیشاندەران و ژمارەیەکی زۆری لێ دەستگیرکردن، لەگەڵ ئەوەشدا پەیامنێرێکی کەناڵی گەلی کوردستان و ستافی کەناڵی بادینیان دەستگیرکران، ژووری رۆژنامەوانی بزوتنەوەی گۆڕان راگەیەندراوێک بڵاو دەکاتەوە و تێیدا هاتووە:

ئەمڕۆ لە شاری دهۆک، ژمارەیەک مامۆستا و فەرمانبەر، وەک مافێکی سەرەتایی بۆ داواکردنی مووچە و لابردنی پاشکەوت گردبونەوەیەکی ناڕەزایەتیان لە پارکی ئازادی رێکخست.

ئەم ناڕەزایەتیە جەماوەرییە، هاوکاتە لەگەڵ قەیران و کاریگەرییەکانی نەخۆشی کۆرۆنا، کە جێکەوتی قوڵی لەسەر ئاستی جیهان دروستکردوە و، کاریگەری نەرێنیشی لەسەر ژیانی خەڵک لە عێراق و هەرێمی کوردستان دروستکردوە.

لەم دۆخەدا، موچەخۆران بێ مووچە و، ژیانی ئاسایی و کارو کەسابەت و بژێوی ژیانی خەڵک زۆر خراپە. ئەرکی حکومەت و دامەزراوە ئەمنیەکانە لەچوارچێوەی یاسا و رێکارە تەندروستەکان مامەڵە لەگەڵ خۆپیشاندەران و خەڵکی ناڕازیی بکەن.

دەستگیرکردنی ژمارەیەک مامۆستا و، فەرمانبەر و، رۆژنامەنوس و چالاکی مەدەنی لە شاری دهۆک، نەک میکانیزمێکی شیاو نیە بۆ وەڵامدانەوەی داواکاریەکانی خەڵک، بەڵکو کاردانەوەیەکی خراپە لەگەڵ دۆخێکی خراپ و خزمەت بە هەلومەرجە بابەتیەکان ناکات.

ئێمە لە بزوتنەوەی گۆڕان، وەک بڕوابون بە ئازادی و ئازادیە گشتیەکان، پشتیوانی لە هەمو خۆپیشاندان و ناڕەزایەتیەک دەکەین لە چوارچێوەی یاسا کارپێکراوەکان. دواکاریشین جگە لە ئازادکردنی دەستگیرکراوەکان، کاردانەوەی هێزە ئەمنیەکان گونجاو بێت لەگەڵ ئەو خەڵکەی داوای ژیانێکی شیاوتر و موچە و قوتی خۆیان دەکەن.

ژوری رۆژنامەوانی بزوتنەوەی گۆڕان
16ی ئایاری 2020

بەشی بکە لە
تاگەکانگۆڕان
Previous Next
Close
Test Caption
Test Description goes like this