سه‌دان دۆنم له‌ به‌رهه‌مى جوتیاران سوتێندران

0
566
سوتانی دەغڵودان

SNN_ سیروان حه‌سه‌ن

له‌ سنوورى قه‌زاى خانه‌قین سه‌دان دۆنم زه‌وى له‌ به‌رهه‌مى جوتیاران سوتێندران و سه‌رچاوه‌یه‌كیش ده‌ڵێت به‌شێكى ئه‌و ئاگرانه‌ له‌لایه‌ن عه‌ره‌بى ناوچه‌كه‌وه‌ ئه‌نجامده‌درێن.

محه‌مه‌د عومه‌ر به‌رپرسى كۆمیته‌ى یه‌كێتى له‌ قه‌ره‌ته‌په‌ به‌ snnى راگه‌یاند: له‌ دوو رۆژى رابردوودا له‌ سنوورى ناحیه‌ى قه‌ره‌ته‌په‌ ئاگر له‌ زه‌وییه‌كى زۆری جوتیاران كه‌ زۆربه‌یان به‌رهه‌مى گه‌نم بووه‌ به‌ردراوه‌.

وتیشى، “ئاگره‌كه‌ به‌ جۆرێك زۆر بووه‌ جگه‌ له‌ گونده‌ كورده‌كان هاوكات گه‌یشتووه‌ته‌ هه‌ندێك گوندى عه‌ره‌ب نیشینیش”.

محه‌مه‌د عومه‌ر راشیگه‌یاند: ئه‌و ئاگرانه‌ كه‌ له‌ لایه‌ن چه‌كدارانى داعشه‌وه‌ ده‌كرێنه‌وه‌ به‌شێكیشى له‌ لایه‌ن عه‌ره‌به‌كانى ناوچه‌كه‌وه‌ ئه‌نجامده‌درێت كه‌ ڕاسته‌ چه‌كدارى داعشن، به‌ڵام بۆ مه‌رامى خۆیان ئه‌و كاره‌ ده‌كه‌ن.

ئه‌و به‌رپرسه‌ى یه‌كێتى ئه‌وه‌شى خسته‌ڕوو، هه‌نگاو و كرده‌وه‌كانى چه‌كدارانى داعش زۆر لایه‌ن له‌ خۆ ده‌گرێت له‌ناویاندا فشار هێنان بۆ سه‌ر گونده‌ كوردییه‌كان و چۆڵكردنیان هه‌ربۆیه‌ به‌رهه‌مى جوتیاران ده‌سوتێنن.

له‌ چه‌ند رۆژى رابردوودا له‌ سنوورى خانه‌قین به‌ ناوچه‌كانى نێوان خانه‌قین بۆ جه‌له‌ولا، قه‌ره‌ته‌په‌، جه‌باره‌ به‌ سه‌دان دۆنم زه‌وى جوتیاران سوتێندراون.

بەشی بکە لە
Previous Next
Close
Test Caption
Test Description goes like this