توێژینەوەیەک: خواردنی رۆژانە دوو ژەم میوە ئەگەری تووشبوون بە شەکرە کەمدەکاتەوە

0
172

SNN

توێژینەوەیەکی نوێ لە ئوستڕاڵیا دەریخستووە، خواردنی بەردەوامی میوە ئەگەری تووشبوون بە نەخۆشی شەکرەی جۆری دوو کەمدەکاتەوە.

بەپێی ئەو توێژینەوەیە ئەو کەسانەی رۆژانە لانیکەم دوو ژەم میوە دەخۆن بە بەراورد لەگەڵ ئەو کەسانەی میوە ناخۆن بە رێژەی 36٪ ئەگەری تووشبوونیان بە نەخۆشی شەکرەی جۆری دوویان کەمترە.

هاوکات ئەوەشخراوەتەڕوو، کە ئەو کەسانەی میوە دەخۆن کەمتر تووشی نەخۆشیەکانی وەک پەستانی خوێن و قەڵەوی و نەخۆشیەکانی دڵ دەبن.

لەو توێژینەوەدا بۆ ماوەی پێنج ساڵ زانیارییە تەندروستییەکانی حەوت هەزار و 700 هاووڵاتی ئوستڕاڵی وردبینی و شیکاریی بۆکراوە.

توێژەرانی ئوستڕاڵی باسیان لەوەشکردوە، کە خواردنەوەی شەربەتی میوە نابێتە جێگرەوە بۆ میوە، چونکە رێژەی شەکری زۆرە و مادە ریشاڵییەکانیشی کەمە.

نزیکەی 450 ملیۆن کەس لە سەرتاسەری جیهان نەخۆشی شەکرەی جۆری دوویان هەیە و 374 ملیۆن کەسیش ئەگەری هەیە تووشی ئەو نەخۆشیە بن.

بەشی بکە لە
Previous Next
Close
Test Caption
Test Description goes like this