قەرەیلان: ئەردۆغان شاندێکی بۆلای پەکەکە ناردووە و داوای ئاگربەستی لێکردوون

0
341

SNN

موراد قەرەیلان فەرماندەی سەربازی پەکەکە ئاشکرای کرد لە ماوەی رابردوودا سەرۆککۆماری تورکیا شاندێکی رەوانەی لای پەکەکە کردووە و وەزیری بەرگریی ئەو وڵاتەش داوایەکی لە پارتی هەبووە.

موراد قەرەیلان فەرماندەی گشتیی ناوەندی پاراستنی گەل (نەپەگە) لە چاوپێکەوتنێکدا لەگەڵ ستێرک تی ڤی ئاشکرای کرد: “لە ماوەکانی رابردوودا رەجەب تەیب ئەردۆغان سەرۆککۆماری تورکیا شاندێکی بۆ لای ئەوان رەوانە کردووە و وتوویەتی: “لە ناوخۆی تورکیا ئاگربەست رابگەیەنن و لە پارچەکانی دیکە چیتان دەوێت بیکەن”.

موراد قەرەیلان لەو بارەوە روونیکردەوە: “ئامانجی ئەردۆغان لەو پەیامەی پیلانێکە بۆ ئەوەی کورد لە دژی کورد بەکاربهێنێت و شەڕی کورد و کورد هەڵبگیرسێت”. باسی لەوەشکرد، ویستویەتی ناوەرۆکی ئەو پەیامەی شاندەکەی تورکیا بگەیەنێتە مەسعود بارزانی سەرۆکی پارتی و لەو بارەوە ئاگاداری بکاتەوە.

ئەو فەرماندە سەربازییەی پەکەکە ئاماژەی بەوەشکرد: “زانیاریمان هەیە هەر لە ماوەکانی رابردوودا خلوسی ئاکار وەزیری بەرگریی تورکیا داوای لە پارتی کردوە پێشمەرگەش بەشداری شەڕی پەکەکە بکات”.

قەرەیلان جەختی کردەوە: “بەهیچ جۆرێک گەریلاکانمان هێرشیان نەکردوەتە سەر هێزەکانی پێشمەرگە و بە هیچ جۆرێکیش لەگەڵ شەڕی کورد و کورددا نین”.

داواشی لە پارتی کرد: “ئەگەر هاوکاریمان ناکەن لە دژی تورکیا بێلایەن بن و لە پشتەوە بەرەی دیکەمان لە دژ مەکەنەوە”.

بەشی بکە لە
Previous Next
Close
Test Caption
Test Description goes like this