لوتکەی G-7 لە وڵاتی بەريتانيا بەڕێوەدەچێت

0
132

SNN

رۆژی 11ی ئەم مانگە کۆبونەوەی گروپی حەوت (G-7) لە کۆرنواڵی بەریتانیا بەبەشداری حەوت ئەندامی لوتکەکە دەستیپێکرد، بڕيارە ماوەی سێ رۆژ بخايەنێت.

بڕیارە رێبەرانی حەوت وڵات کە دیموکراسییەکی دەوڵەمەندیان هەیە لە کۆبوونەوەکانیاندا تاوتوێی کۆمەڵێک بابەتی گرنگ بکەن، لەوانە پەتای کۆرۆنا و کاریگەری بەسەر جیهاندا، کێشەی گۆڕانی کەشوهەوا، ئابوری، تەکنەولۆجیای نوێ و ئاسایشی ئنتەرنێت، هەروەها، چاوەڕواندەکرێت گروپی حەوت یەک ملیار دەرزی ڤاکسینی کۆرۆنا بۆ وڵاتانی کەم داهات دابین بکات. ئەمریکا بە تەنیا بەڵێنی دابینکردنی 500 ملیۆن دەرزی داوە، بۆیە پـێشبینی دەکرێت 500 ملیۆن دەرزیـیەکەی دیکە لە لایەن ئەندامەکانی دیکەوە دابینبکرێت.

کۆبونەوەکە لەلایەن بەریتانیاوە میوانداری دەکرێت و رێبەرانی کەنەدا، فەرەنسا، ئەڵمانیا، ئیتالیا، ژاپۆن و ویلایەتە یەکگرتووەکانی ئەمریکا بەشداردەبن، نوێنەرانی یەکێتی ئەوروپا و میوانەکانی تری وەکو سەرۆکانی ئوسترالیا، ئەفريقای باشور کۆریای باشوریش بەشدار دەبەن و سەرۆک وەزیری هیندستانیش بە رێگای ئۆنلاین بەشداری دەکات.

بۆریس جۆنسن سەرۆکوەزیری بەریتانیا لە کاتی دەستپێکی مەڕاسیمەکەدا وتی ” ئەمە کۆبونەوەیەکە کە بەڕاستی پێویستبوو ئەنجامبدرێت”، وتیشی “پێویستە دڵنیابین لەوەی کە لە پەتاکەوە شتێک فێربووین، پێویستە دڵنیابین لەوەی کە هەندێک لەو هەڵانە دووبارە نەکەینەوه کە لە ماوەی 18 مانگی رابردوودا کردومانە.”

جۆنسۆن راشيگەياند: “جیهان چاوی لە G-7 دەبێت بۆ جێبەجێکردنی بەها هاوبەشەکانمان و خواستی دیپلۆماسیمان، بۆ بەرەنگاربوونەوەی شکستپێهێنانی پەتاکەو و پێشەنگایەتیکردنی هاتنەوەسەرخۆی جیهان”.

لە کاتێکدا کە کۆبونەوەکانی پێشووتری گروپی حەوت بە خوانی تایبەت، شاندی باڵا و ستافێکی زۆری راگەیاندنەکانەوە ئەنجامدەدرا، بەڵام کۆبونەوەکەی ئەمساڵ بە شێوەیەکی توند سنووردارە، بەشداربووان دەمامکیان پێچاوە، تاقیکردنەوەکانی ڤایرۆسی کۆرۆنا رۆژانە بۆ ئامادەبوان دەکرێت.

بەهۆی ڤایرۆسی کۆرۆناوە رێبەرانی جیهان کۆبونەوەی ساڵی رابردوویان ئەنجامنەدا، دواین جار کە کۆبونەوەکە بە شێوەی راستەوخۆ ئەنجام درابوو ساڵی 2018 بوو لە فەرەنسا ئەنجامدرا.

بەشی بکە لە
Previous Next
Close
Test Caption
Test Description goes like this