گۆڵف کیستۆن: بەرهەمهێنانی نەوت لە کێڵگەی شێخان زياديکردووە

0
480

SNN

کۆمپانیای گۆڵف کیستۆنی بەریتانی رایگەیاند لە پێنج مانگی ئەمساڵدا ئاستی بەرهەمهێنانی نەوتیی لە کێڵگەی شێخان بەرێژەی %20 زیادیکردووە.

کۆمپانیای گۆڵف کیستۆن، کە لە کێڵگەی شێخانی پارێزگای دهۆک وەبەرهێنان دەکات، لە راپۆرتێکدا چالاکییەکانی کێڵگەکەی لە ئەمساڵدا بڵاوکردووەتەوە، دەڵێت “تێکڕای بەرهەمی رۆژانەی ئەمساڵ 43 هەزار و 600 بەرمیل بووە”.

دەشڵێت “بڕی شەش هەزار و 950 بەرمیل زیادیکردووە و بڕیاریشە لەکۆتایی ئەمساڵدا ئاستی بەرهەمهێنانی لە کێڵگەکە بگەیێنێتە 55 هەزار بەرمیل، واتە بە زیادبوونی 11 هەزار و 400 بەرمیل، لەکاتێکدا بڕیاربوو ساڵی 2022 بگاتە ئەو ئاستە”.

کۆمپانیاکە ئاشکرای کردووە: “بڕیارە تاوەکو کۆتایی ئەمساڵ بەرهەمی کێڵگەی شێخان رۆژانە بڕی 18 هەزار و 375 بەرمیل زیادبکات”.

گۆڵف کیستۆن، خاوەنی 80%ی کێڵگەی شێخانە، خاوەندارێتیی %20ی کێڵگەکەش بۆ کۆمپانیای ئێم ئۆ ئێڵ (MOL)ی هەنگاری دەگەڕێتەوە.

بەشی بکە لە
Previous Next
Close
Test Caption
Test Description goes like this