پەرلەمانتارێک نەناردنی پشکی هەرێم بە رادەستنەکردنی هەندێک داتا و زانیاری دەبەستێتەوە

0
177

SNN

رێبوار کەریم مەحمود ئەندامی پەرلەمانی عێراق باس لەوە دەکات: بەهۆی ئەوەی حکومەتی هەرێم داتا و زانیارییەکان لەسەر چەند پرسێک رەوانەی بەغدا ناکات، بەو هۆیەشەوە حکومەتی عێراق پارە بۆ هەرێم نانێرێت”.

لە نوسینێکدا لە پەڕەی تایبەتی خۆی لە فەیسبووک، رێبوار کەریم مەحمود رایگەیاندوە: “”زیاتر له‌ دو مانگه‌ ده‌نگ له‌سه‌ر یاسای بودجه‌ی عێراقی ساڵی 2021 دراوه‌، ئه‌و خاڵانه‌ی بۆ هه‌رێم سودیان هه‌یه‌، به‌ستراونه‌ته‌وه‌ به‌ ناردنی زانیاری و داتاوه‌،  له‌ په‌یوه‌ندیم به‌ كاربه‌ده‌ستانی حكومه‌تی عێراقه‌وه‌ دڵنیابومه‌وه‌ كه‌ هه‌رێم داتا و زانیارییه‌كان ناداته‌ حكومه‌تی عێراق، ئه‌مه‌ش هۆكاری سه‌ره‌كی دواكه‌وتنی هاتنی پاره‌یه‌ بۆ هه‌رێم”.

نوسیویشیەتی: “ئه‌و زانیارییانه‌ی كه‌ به‌پێی یاساكه‌ پێویسته‌ هه‌رێم بیداته‌ به‌غدا بریتین له‌ (زانیاری ده‌رباره‌ی داهاتی نه‌وتی، داهاتی نانه‌وتی)، كه‌ ده‌بێت داخڵی سیستمی داهاتی عێراق بكرێت، هه‌روه‌ها (ژماره‌و ناو لیستی موچه‌ی فه‌رمانبه‌ران، داتای فه‌رمانگه‌ فیدڕاڵیه‌كان،…هتد).

رێبوار کەریم مەحمود، باسی لەوەشکردووە: “وادیاره‌ هه‌رێمی كوردستان پێیوایه‌، ته‌نها رێكه‌وتنێكی سیاسی كردوه‌ و ئیتر وه‌ك جاران هیچ كێشه‌ی نابێت و پاره‌ی بۆ دێت، به‌ڵام ده‌بێت بزانێت ئه‌م رێكه‌وتنه‌ لایه‌نی ته‌كنیكی هه‌یه‌و به‌پێی یاسای بودجه‌ ده‌بێت داتاو زانیارییه‌كان به‌ڕونی بنێردرێن، ئه‌گه‌رنا رێكه‌وتنه‌كان هیچ سودیان نابێت”.

بەشی بکە لە
Previous Next
Close
Test Caption
Test Description goes like this