ئاماری هاتووچۆی ئۆتۆمبێلی بارهەڵگر لە مەرزی باشماخ بڵاو دەکرێتەوە

0
353
مەرزی باشماخ له‌ قه‌زاى پێنجوێن | فۆتۆ: عه‌لى حه‌مه‌ سه‌عید/ SNN

SNN-عەلی حەمەسەعید

بەڕێوەبەری گومرگی مەرزی نێودەوڵەتی باشماخ ئاماژە بەوەدەكات سەرجەم ئەو داهاتەی كە لە مەرزی باشماخەوە بەدەستدەخرێت ڕاستەوخۆ دەگەڕێتەوە بۆ خەزێنەی وەزارەتی دارایی، هاوكات تەنها لەماوەی شەش مانگی ئەمساڵ زیاد لە 64 هەزار و 700 ئۆتۆمبێلی بارهەڵگر لە ئێرانەوە هاتونەتە هەرێمی كورستان و بە بەراورد بە ساڵی ڕابردووش 15 هەزار بارهەڵگر كەمیكردووە.

شاخەوان بەكر، بەڕێوەبەری گومرگی مەرزی نێودەوڵەتی باشماخ بەSNN ی ڕاگەیاند: “بە گوێرەی ئەو ئامارانەی كە لەبەردەستماندان لەسەرەتا ئەمساڵەوە تا 31/5/2021 لە مەرزی نێودەوڵەتی باشماخەوە 64 هەزار و 744 ئۆتۆمبێلی بارهەڵگر لە ئێرانەوە هاتوونەتە هەرێمی كوردستان، ئەو ئۆتۆمبێلانە پێكدێن لە تانكەری گواستنەوەی سوتەمەنی و هەروەها ئۆتۆمبێلی هاوردەكردنی خۆراك و پێداویستی ڕۆژانەی هاووڵاتیان كە كاری بازرگانی دەكەن لە نێوان هەرێم و ئێراندا.”

ئاماژەی بەوەشكرد: “هەربە گوێرەی ئامارەكانی بەدەستمان لە شەش مانگی ساڵی ڕابردوودا 80 هەزار و 256 ئۆتۆمبێلی بارهەڵگر لە ئێرانەوە هاتبوونە هەرێم، هاوكات لە تەواوی ساڵی 2020 كۆی گشتی هاتنی ئۆتۆمبێلی بارهەڵگر بە تانكەری گواستنەوەی سوتەمەنی و ئۆتۆمبێلی هاوردەكردنی خۆراك و پێداویستی بریتی بووە لە 172 هەزار و 31 ئۆتۆمبێل بووە”.

بەڕێوەبەری گومرگری مەرزی نێودەوڵەتی باشماخ ئەوەشی خستەڕوو: “هاتووچۆی ئۆتۆمبێلی بارهەڵگر بە بەراورد بە شەش مانگی ساڵی ڕابردوو نزیكەی 15 هەزار ئۆتۆمبێلی بارهەڵگر كەمیكردووە، ئەو كەمبوونەوەیەی ئەمساڵیش پەیوەندی بە بەردەوامی بڵاو بوونەوەی ڤایرۆسی كۆرۆناوە هەیە، هاوكات ئەو داهاتەی كە لە مەرزی باشماخەوە دەستدەكەوێت ڕاستەوخۆ دەگەڕێتەوە بۆ خەزێنەی وەزارەتی دارایی حكومەتی هەرێم.”

بەشی بکە لە
Previous Next
Close
Test Caption
Test Description goes like this