پیاوێک بە تۆمەتی کوشتنی 800 هەزار کەس دەستگیرکرا

0
321

SNN

هێزە ئەمنییەکانی فەرەنسا، پیاوێکیان دەستگیرکرد کە تۆمەتبارە بەوەی لە پشت کوشتنی بەکۆمەڵی نزیکەی 800 هەزار کەس لە رواندا بووە.

فێلیشێن کابوگا، تەمەن 84 ساڵ، کە ژێر ناوێکی خوازراودا لە شاری پاریس خۆی حەشاردابوو، یەکێک بوو لە گەورەترین داواکراوی جیهان، کە تۆمەتبارە بە هاوکاری دارایی چەکدارانی توندڕەوی هوتو، کە ساڵی 1994 نزیکەی 800 هەزار کەسیان لە رواندا کوشت.

گروپی (ئای سی تی ئاڕ)ی داکۆکیکار لە مافی رزگاربووانی رواندا پێشوازی لە هەواڵی دەستگیرکردنی کابوگا کرد و رایگەیاند : “هەموو رزگاربووانی جینۆسایدەکەی رواندا خۆشحاڵە بە دەستگیرکرانی”.

ئەو گروپە روونیکردووەتەوە، ئەوانەی بەرپرسبوون لە کۆمەڵکوژیەکەی رواندا، کەمەنەتەوەی توتسی و نەیارە سیاسییەکانی وڵاتەکەیان کردووەتە ئامانج.

داواکاری گشتی روانداش جەختدەکاتەوە لەوەی تۆمەتبارانی کۆمەڵکوژیەکەی رواندا بهێندرێتە بەردەم دادگا.

فێلیشێن کابوگا بازرگانێکی سەرمایەدارە و سەر بە نەتەوەی (هوتو)ە، لە ساڵی 1994دا هاوکاری دارایی توندڕەوەکانی نەتەوەکەی کردووە تا جینۆساید دژ بە گەلی توتسی ئەنجام بدەن.

بەشی بکە لە
Previous Next
Close
Test Caption
Test Description goes like this