ئەمریکا: جیا لە دۆسیەی ئەتۆمی لە سەر چەند پرسی دیکە لەگەڵ ئێران دانوستان دەکەین

0
166

SNN

وەزارەتی دەرەوەی ئەمریکا وەڵامی سەرۆکی هەڵبژێردراوی ئێران دەداتەوە و رایدەگەیەنێت: جیا لە پرسی بەرنامە ئەتۆمیەکەی تاران، لەسەر چەند بابەتی دیکەش لەگەڵ ئەو وڵاتە دەکەونە دانوستانەوە.

نێد پرایس، وتەبێژی وەزارەتی دەرەوەی ئەمریکا بە رۆژنامەنووسانی راگەیاندووە: ئیدارەی کۆشکی سپی لەهەوڵدایە جیا لە بابەتی بەگەڕخستنەوەی رێککەوتنی ئەتۆمی لەسەر پرسی بەرنامە موشەکیەکەی تاران و پشتیوانیەکانی ئەو وڵاتە لە گرووپە توندڕەوەکانی رۆژهەڵاتی ناوەڕاست بکەوێتە گفتوگۆ و دانوستان لەگەڵیدا.

وتیشی: بابەتێکی دیکەی جێی بایەخ بۆ ئەمریکا رەوشی مافەکانی مرۆڤە لە ئێران و ئەو پرسەش لەگەڵ کاربەدەستانی تاران تاوتوێ دەکرێت.

وتەبێژی وەزارەتی دەرەوەی ئەمریکا بە بێ ئەوەی روونکردنەوەی زیاتر بدات وتی: دوای بەگەڕخستنەوەی رێککەوتنی ئەتۆمی، واشنتۆن کارتی زیاتری بەدەستەوە دەبێت بۆ گفتوگۆکردن لەگەڵ تاران.

ئئەمەش دوای ئەوە دێت کە رۆژی دووشەممە ئیبراهیم رەئیسی سەرۆککۆماری هەڵبژێردراوی ئێران لەیەکەم کۆنفرانسی رۆژنامەنووسی خۆیدا، وتی: تەنها لەسەر بەرنامەی ئەتۆمی دانوستان لەگەڵ دەکەن و بابەتەکانی وەک بەرنامەی موشەکی و سیاسەتی ئێران لە ناوچەکە نابێتە بابەتێک بۆ دانوستان.

 

بەشی بکە لە
Previous Next
Close
Test Caption
Test Description goes like this