دوای دزینی کتێبی “ئەستێرەی داود” لە مۆزەخانەی بەغدا، ئەنجامدەرانی دەستگیرکران

0
412

SNN

هێزی دژە تیرۆر عێراقی و بەڕێوەبەرایەتی رووبەرووبوونەوەی تاوان سەر بە وەزارەتی ناوخۆ دوای بوونی زانیاری ورد توانیان چوار کەس دەستگیر بکەن، کە لە مۆزەخانەی نیشتمانی عێراقی کتێبی مێژووی پیرۆزی “ئەستێرەی داود”یان دزیبوو.

دەزگای هەواڵگری عێراقی ئاماژەی بەوەکردووە، کە ئەو چوار کەسە دوای ئەوەی کە توانویانە کڕیارێک بۆ کتێبە مێژوویەکە لە بەرامبەر یەک ملیۆن دۆلاردا بدۆزنەوە، لە رێگەی چەند بۆسەیەکەوە توانراوە کەسەکان دەستگیر بکرێت کە لە کاتی دەستگیرکردنەکەدا کتێبە مێژوویەکەیان پێبووە.

هەر چوار کەسەکە لە کاتی ئێستادا بە ماددەی 44ی شوێنەوار دراون بە دادگا، تا سزای یاسای خۆیان وەربگرن.

ماددەی 44ی شوێنەوار و کەلەپوور، لە یاسای سزادانی عێراقی بریتییە لە سزای 10 ساڵ زیدانی زیاتر نەبێت، لەگەڵ سزادانی بە یەک ملیۆن دیناری عێراقی کەمتر نەبێت و دوو ملیۆن زیاتر نەبێت، لە بەرامبەر ئەو کەسانەی کە ئاسەوارێک یاخود کەلەپورێکی وڵات دەدزن یاخود دەیبەنە دەرەوەی وڵات بۆ فرۆشتنی.

بەشی بکە لە
Previous Next
Close
Test Caption
Test Description goes like this