کازمی: دەستپێشخەری ئەرێنی بۆ کەمکردنەوەی قەیرانەکان لە ناوچەکە بەدی دەکەین

0
199

SNN

مستەفا کازمی سەرۆکوەزیرانی عێراق رایگەیاند: “دەستپێشخەری ئەرێنی بۆ کەمکردنەوەی قەیرانەکان لە ناوچەکە بەدی دەکەین.

مستەفا کازمی وتارێکی بەناوی “پێویستی مێژوویی ووشە نھێنییەکەی گێرانەوەی متمانە”، بڵاوکردەوە و تیایدا نووسیوویەتی: ” دەستپێشخەری ئەرێنیی بۆ کەمکردنەوەی قەیرانەکان لە ناوچەکەمان بەدی دەکەین، ھەروەھا ھەوڵەکانیش بە ئاراستەی چارەسەرکردنی قەیرانەکان خراوەنەتەگەڕ”.

سەرۆکوەزیرانی عێراق لە وتارەکەیدا وردەکاری زیاتری لەبارەی دەستپێشخەرییەکە نەخستووەتەڕوو، بەڵام لە ماوەکانی رابردوودا، لەسەر ئاستی نێودەوڵەتیی و ھەرێمیی ھەوڵەکان چڕکراوەنەتەوە بە ئامانجی کەمکردنەوەی قەیرانەکانی سیاسی و گرژییەکانی سەربازیی بەرەڕووی ژمارەیەک وڵاتی ناوچەکە بووەتەوە لەوانە یەمەن، لوبنان و لیبیا.

مستەفا کازمی ھەروەھا نووسیوویەتی: “عێراق ئەزموونی تاڵی تێپەڕاندووە کە کاردانەوەی خراپی نەک تەنھا بۆ خۆی بەڵکو بۆ وڵاتانی ناوچەکەیش ھەبوو کە بووە مایەی دروستبوونی گرژییەکانی ھەرێمیی و نێودەوڵەتی”.

سەرۆکوەزیرانی عێراق، مستەفا کازمی لە بەشێکی وتارەکەیدا ئاماژەی بەوەداوە کە نەمانی قورسایی عێراق لەم چەند ساڵەی دواییدا، بووە مایەی زیادبوونی گرژیی نێوان ژمارەیەک وڵاتی عەرەبی و ھەرێمی و نووسیوویەتی: “ئەو گرژییەکانیش ھاوکات بوو لەگەڵ ئەو قەیران و بەرەنگارییانەی کە عێراق بەروڕووی بوویەوە”.

مستەفا کازمی ھەروەھا جەخیتکردووەتەوە کە چی دیکە ناتواندرێت ژیان لەگەڵ ئەو قەیرانانە بکرێت و نووسیوویەتی: “ئەگەر ھەمووان پاڵپشتیی یەکتر نەکەین و کەرامەتی گەلەکەنمان و مافی نەوەکانی داھاتوومان بۆ دەستەبەرکردنی ژیانێکی خۆشگوزەران، نەپارێزێن ئەوا ناتوانیین ھەنگاو بەرەو داھاتوو لە رۆژھەڵاتی ناوەڕاست بنێین، ئەوەیش تەنھا بەگێرانەوەی ھاوسەنگی لە ناوچەکە بەدی دێت کە عێراق تیایدا خاڵێکی سەرەکییە”.

 

بەشی بکە لە
Previous Next
Close
Test Caption
Test Description goes like this