هونەرمەندانی کوردستان: شەڕی کورد بە کورد، خەنجەرێکی ژەنگاوییە دوژمن لێماندەدات

0
221

SNN

لەچوارچێوەی هەوڵەکان بۆ رێگری لە هەڵگیرسانی شەڕی کورد بە کورد ژمارەیەک لە هونەرمەندانی هەر چوار بەشی کوردستان داوایان کرد حزبەکان بە هەستیارییەوە مامەڵە بکەن و نەکەونە داوی شەڕی براکوژییەوە.

گروپی هونەرمەندان بۆ پشتگیری و یەکڕیزیی کورد کە پێکهاتووە لە هونەرمەندانی هەر چوار بەشی کوردستان لە کۆنگرەیەکی رۆژنامەنووسیدا لە شاری هەولێر مەترسییەکانی هەڵگیرسانی شەڕی کورد بە کوردیان خستەڕوو.

لە کۆنگرە رۆژنامەنووسیەکەدا هونەرمەند دیار دێرسیم رایگەیاند: “ئێمە وەک هونەرمەندان شەرمدەکەین باسی شەڕ بکەین، ئێستا مەترسیی شەڕی کورد بەکورد دەبینین، ئێمە بڕوامان بەوەهەیە کە گەلی ئێمە دەنگیان بکەنە پاڵ دەنگمان و رێگە لە مەترسیی هەڵگیرساندنی شەڕ بگرین”.

وتیشی: “ئێمە دەزانین ئەو شەڕی کورد بە کورد، خەنجەرێکی ژەنگاوییە دوژمان لێماندەدات، ئێمە وەک هونەرمەندان ئاشتیی دەخوازین”.

لای خۆشیەوە هونەرمەند ناسر رەزازی وتی: “داگیرکەرانی کوردستان سەرباری هەموو ناکۆکیەکانیان بۆ دژایەتی کورد یەکیان گرتووە، ئەگەر حیزبەکانی کوردستان نەتوانن بە گفتوگۆ و ئاشتیی دابنیشن ئەوا مەترسیی گەورە لەسەر کوردستان هەیە. داگیرکەرانی کوردستان دەیانەوێت کورد نەمێنێت”.

جەختیکردەوە: “جارێکی تر دڵسۆزانە داوا دەکەین کە ئەم شەڕە نەبێت، ئەمریکا و بە حیزبەکانی وتووە ئەگەر ئێوە یەک نەبن ئێمە پشتگیرییتان ناکەین، شەڕی ناوخۆ گەورترین ئەزمونی پیشان ئێمە دا، ئەگەر شەڕی ناوخۆ نەبوایە ئەوا کوردستان دە هێندە پێشکەوتبوو”.

ماوەیەکە گرژییەکانی نێوان پارتی و پەکەکە لە هەڵکشاندان و ئەوەش ترسی هەڵگیرسانی شەڕی ناوخۆ و شەڕی کورد بە کوردی دروستکردووە.

بەشی بکە لە
Previous Next
Close
Test Caption
Test Description goes like this