کیم جۆنگ ئون دان دەنێت بە بڵاوبوونەوەی کۆرۆنا لە کۆریای باکور

0
505

SNN

سەرباری ئەوەی پێشتر حکومەتی کۆریای باکور نکۆڵی لە بڵاوبوونەوەی کۆرۆنا لە وڵاتەکەی دەکرد، بەڵام لە لێدوانێکی چاوەڕێ نەکراودا سەرۆکی ئەو وڵاتە وتی، “بڵاوبوونەوەی ڤایرۆسەکە وڵاتەکەی خستوەتە بەردەم قەیرانێکی گەورەوە”.

میدیای فەرمی کۆریای باکور بڵاویکردەوە، “کیم جۆنگ ئون سەرۆکی ئەو وڵاتە لە کۆبوونەوەیەکدا لە گەڵ بەرپرسانی باڵای حکومەتەکەی بە توندی سەرکۆنەی کردوون لە پای کەمتەرخەمییان لە جێبەجێکردنی بڕیارەکانی تایبەت بە رێگری لە بڵاوبوونەوەی کۆرۆنا”.

ئەوەشخراوەتەڕوو، کە “سەرۆکی کۆریای باکور وتویەتی بێتوانایی و ناکارامەیی بەرپرسان وایکردوە وڵاتەکە بکەوێتە بەردەم قەیرانێکی گەورەوە و گیانی هاووڵاتیان کەوتوەتە مەترسییەوە”.

هاوکات میدیای کۆریای باکور ئاماژەی بەوەشکردووە، کە بە فەرمانی کیم جۆنگ ئون ژمارەیەک لە بەرپرسانی باڵای حکومەت لەکارلادراون.

ئەو لێدوانەی سەرۆکی کۆریای باکور لە کاتێکدایە پێشتر بەرپرسانی ئەو وڵاتە بەردەوام جەختیان لەوەدەکردەوە، کە بە هۆی توندکردنەوە و داخستنی سنورەکان و گرتنەبەری رێکاری توند هیچ حاڵەتێکی تووشبوون بە کۆرۆنا لە وڵاتەکەیان تۆمار نەکراوە.

بەشی بکە لە
Previous Next
Close
Test Caption
Test Description goes like this