داعش کارەبای چەند ناوچەیەکی عێراقی لاوازکردووە

0
399
بورجی کارەبا

SNN

رێکخراوی داعش کە لە لەشێوەی شانەی نوستوودا لە چەند شوێنێکی عێراق ماون و چالاکی تیرۆرستی ئەنجامدەدەن، لە ئێستادا بورجەکانی کارەبا لە وڵاتەکە بەئامانجدەگرن و ئەوەش کارەبای هاووڵاتیانی کەمتر کردووەتەوە.

فەرماندەی ئۆپراسیۆنە هاوبەشەکان لە عێراق داوا لە هاووڵاتیان دەکات کە هاوکاری هێزە ئەمنییەکان بکەن لە هەوڵەکانیان بۆ رێگریکردن لە تێکدانی بورجەکانی کارەبا لە وڵاتەکەدا و دەشڵێت “هەر هاووڵاتییەک زانیاری بدات لەسەر کەسانێک کە کارەبای بورجەکان دەبڕن ئەوا پاداشتی دارایی دەکرێت”.

لەگەڵ ئەوەشدا فەرماندەی ئۆپراسیۆنە هاوبەشەکان داوای لە هاووڵاتیان کردووە کە خۆیان نزیک نەکەنەوە لە بورج و محاویلەکانی کارەبا تا مەترسی لەسەر گیانیان دروستنەبێت.

بەهۆی تەقاندنەوە و پچڕانی چەند بورجێکی کارەبا لەلایەن چەکدارانی داعشەوە، کارەبای چەند ناوچەیەکی عێراق پچڕاوە یاخود لاوازبووە، ئەوەش هاووڵاتیانی زیاتر نیگەرانکردووە بەتایبەت لەکاتێکدا کە پلەکانی گەرما نزیکبووەتەوە لە 50 پلە.

 

بەشی بکە لە
Previous Next
Close
Test Caption
Test Description goes like this