کازمی: رێککەوتنی ئێران و ئەمریکا خزمەت بە سەقامگیریی عێراق دەکات

0
447

SNN

سەرۆک وەزیرانی عێراق دەڵێت، داوایان لە ئەمریکا و ئێران کردووە پرسەکانی نێوانیان لە عێراق یەکلایی نەکەنەوە، هەروەک باوەڕیشی وایە رێککەوتنی نێوان ئەو دوو وڵاتە و بەگەڕخستنەوەی رێککەوتنی ئەتۆمی خزمەت بە سەقامگیریی عێراق دەکات.

مستەفا کازمی سەرۆکوەزیرانی عێراق لە چاوپێکەوتنێکدا لەگەڵ رۆژنامەی لاریبوبلیکای ئیتالی رایگەیاندوە: “داوامان لە ئەمریکییەکان و ئێرانییەکان کردووە دووربکەونەوە لە یەکلاکردنەوەی پرسەکانی نێوانیان لە عێراق، چونکە ساڵانێکە عێراق گۆڕەپانێک بووە بۆ رووبەڕووبوونەوە و ململانێ؛ بۆیە دەبێ رێگەی گفتوگۆی سیاسی هەڵبژێرین بۆ چارەکردنی ناکۆکییەکانمان.”

باسی لەوەشکردووە: “”باوەڕم وایە رێککەوتنی نێوان ئێران و ئەمریکا زۆر گرنگ دەبێت و بۆ ناوچەکە یەکلاکەرەوە دەبێت و باوەڕم وایە دەکرێ بێتەدی؛ سەرکەوتن لە دانوستاندنەکانی ڤیەننا بۆ بەگەڕخستنەوەی رێککەوتنی ئەتۆمی کاریگەری ئەرێنی لەسەر رۆژهەڵاتی ناوەڕاست دەبێت و خزمەتی سەقامگیریی عێراق دەکات.”

لەبەشێکی دیکەی چاوپێکەوتنەکەیدا سەبارەت بە ناوخۆی عێراق کازمی وتویەتی: “عێراقمان لەو داڕمانە پاراست کە بەهۆی پێشهاتەکانی پاییزی ساڵی 2019ـەوە بە ئاراستەی دەچوو، بەڵام هێشتا ئاستەنگەکانی بەردەممان زۆرن، چونکە داعش هێشتا هەڕەشەیە و هەوڵی بەهێزبوونەوەی خۆی دەدات، سەرەڕای ئەوەش تیرۆریستەکان چیدیکە توانای ئەوەیان نەماوە ناوچەیەک بخەنە ژێر کۆنترۆڵیانەوە.”

بەشی بکە لە
Previous Next
Close
Test Caption
Test Description goes like this