بەشێک لەو کەسانەی ڤاکسینیان وەرگرتووە بە کۆرۆنا گیانیان لەدەستداوە

0
554

SNN

رۆژنامەی وۆڵ ستریت جۆرناڵی ئەمریکی دەڵێت، بەشێک لەو کەسانەی لە ماوەی رابردوودا لە بەریتانیا بە کۆرۆنا گیانیان لەدەستداوە، ئەو کەسانەبوون کە ڤاکسینی دژ بە کۆرۆنایان وەرگرتووە.

رۆژنامەکە لە بەدواداچوونێکیدا باس لەوەدەکات، کە دەتوانرێت بەریتانیا وەک نموونە وەربگیرێت دەربارەی کاریگەری ڤاکسینی دژ بە کۆرۆنا، بەتایبەت لەسەر ئەو جۆرەی کۆرۆنا کە بە کۆرۆنای هیندی یان (دێلتا) ناودەبرێت.

بە گوێرەی ئامارە فەرمییەکان، کۆرۆنای دێلتا لە بەریتانیا تووشی ژمارەیەکی زۆری ئەو کەسانەبووە کە ڤاکسینی کۆرۆنایان وەرگرتووە، بەجۆرێک 85%ی ئەو کەسانەی کە تووشی ئەو جۆرەی کۆرۆنابوون، یەکجار ژەمە ڤاکسینی کۆرۆنایان وەرگرتووە و 63%دیکەی کەسانی دیکەی تووشبووی ئەو جۆرەی کۆرۆنا دوو ژەمی ڤاکسینی کۆرۆنایان وەرگرتووە.

رۆژنامەکە تیشک دەخاتەسەر خراپی رەوشی تەندروستی لە بەریتانیا کە حکومەتی ناچارکرد تا 19ی تەمووز رێکارە تەندروستییەکان درێژبکاتەوە، یەکێک لە هۆکارە سەرەکییەکانی درێژکردنەوەی رێکارەکانیش ئەوەبوو کە کۆرۆنا لەناو ئەو کەسانەدا دەرکەوت کە ڤاکسینیان وەرگرتووە، بەشێکیان لە نەخۆشخانە خەوێندراون و 117 حاڵەتی گیانلەدەستدانیش هەبووەکە نیوەیان دوو ژەمە ڤاکسینیان وەرگرتووە.

پزیشکان و زانایان دەڵێن حاڵەتەکانی گیانلەدەستدان بە کۆرۆنا لەناو ئەو کەسانەی ڤاکسینی کۆرۆنایان وەرگرتووە جێگەی مەترسی نییە.زانایان جەخت لەوەدەکەنەوە کە ڤاکسینی کۆرۆنا کاریگەری لەسەر کۆرۆنای دێڵتا هەیە بەتایبەت لەدوای وەرگرتنی دوو ژەمە ڤاکسین.

لە ئێستادا کۆرۆنای گۆڕاوی هیندی (دێلتا) لانیکەم لە 85 وڵاتی جیهان بڵاوبووەتەوە و بە یەکێک لە مەترسیدارترین جۆرەکانی ڤایرۆسەکە دادەنرێت بەهۆی خێرا بڵاوبوونەوەیەوە، لە بەریتانیا بەشێوەیەکی بەربڵاو لەناو خەڵکدا دەرکەوتووە بەجۆرێک تا نیوەی مانگی حوزەیرانی رابردوو 97% حاڵەتەکانی کۆرۆنا لە جۆری دێلتا بوو.

بەشی بکە لە
Previous Next
Close
Test Caption
Test Description goes like this