تەندروستی هەرێم لەبارەی زیادبوونی ژمارەی توشبووانی کۆرۆنا هۆشداری دەدات

0
322

SNN-عەلی حەمەسەعید
وتەبێژی وەزارەتی تەندروستی حكومەتی هەرێم ئاماژە بەوە دەكات ڕۆژانە ئامارەكانی توشبوون بە كۆرۆنا لە هەرێمی كوردستان و جیهان ڕوو لە بەرزبوونەوە دەكەن، ئەوەش بەهۆی پابەند نەبوونە بە ڕێنماییە خۆپارێزییەكان، هاوكات باس لە بڵاوبوونەوەی ڤایرۆسی جۆری دەلتا دەكات لە هەرێمی كوردستان و هۆشداریش دەداتە هاووڵاتیان.

د. ئاسۆ حەوێزی، وتەبێژی وەزارەتی تەندروستی بەSNNی رایگەیاند: ئێمە لە وەزارەتی تەندروستی بەردەوام داوامان لە هاووڵاتیان كردووە كە پابەندی ڕێكارەكانی خۆپارێزی بن لە ڤایرۆسی كۆرۆنا، بەڵام بەداخەوە وەك پێویست گوێمان لێناگیرێت لەلایەن هاووڵاتیانەوە، هەر ئەمەش وایكردووە كە لە ئێستادا ڕۆژانە ڕێژەیەكی زۆر لە توشبوون بە ڤایرۆسیی كۆرۆنا لە هەرێم تۆمار بكرێت و نەخۆشخانەكان پڕببنەوە لە توشبووانی كۆرۆنا.

ئاماژەی بەوەشكرد، دوێنێ‌ زۆرترین توشبوون بە كۆرۆنا لە هەرێمی كوردستان تۆماركرا لەماوەی ئەمساڵدا، لە كاتێكدا وەرگرتنی ڤاكسین هەنگاوێكی زۆر گرنگ و پێویستە بەڵام هێشتا وەرگرتنی ڤاكسین لە ئاستی چاوەڕوانی ئێمەدا نییە و هەمیشە وتومانە كە وەرگرتنی ڤاكسینیش نابێتە بەدیلی رێكارەكانی خۆپارێزی لە كۆرۆنا،  پێویستە جەخت لە خۆپارێزی بكرێتەوە.

وتەبێژەكەی وەزارەتی تەندروستی حكومەتی هەرێم هۆشداریشیدا كە ئەگەر لەلایەن رێكارەكانی خۆپارێزی وەك ئەوەی ئێستابن جارێكی دیكە مەترسییەكان كۆرۆنا بەرۆكی هەموومان دەگرێتەوە چونكە ناتوانین نكۆڵی لەوە بكەین كە بڵێین ڤایرۆسی كۆرۆنا لە هەرێمی كوردستان بوونی نییە، هاوكات ئێمە ناتوانین بڵێن ڤایرۆسی جۆری ( دەلتا ) لە هەرێم بوونی نییە یاخود هەیە، بەڵام ئەوەی گرنگە هەموو كەرەستەكانی دەستنیشانكردنی ئەو جۆرە ڤایرۆسە بەردەستە و پێویست بە دڵەڕاوكێ‌ ناكات لەلایەن هاووڵاتیانەوە چونكە هەمان نیشانەی هەیە بەڵام خێراتر بڵاودەبێتەوە.

بەشی بکە لە
Previous Next
Close
Test Caption
Test Description goes like this