جۆرج بوش: کشانەوەی هێزە بیانییەکان لە ئەفغانستان هەڵەیە

0
332

SNN

سەرۆکی پێشووتری ئەمریکا رەخنەی لە بڕیاری وڵاتەکەی و ناتۆ گرت لە بارەی کشانەوەی هێزەکانیان لە ئەفغانستان و بە بڕیارێکی هەڵە ناویبرد.

جۆرج بوش سەرۆکی پێشووتری ئەمریکا، کە لە سەردەمی دەسەڵاتی ئەودا کۆتایی بە حکومڕانی تالیبان هێنرا، رایگەیاند: بڕیاری کشانەوەی هێزەکانی ئەمریکا و ناتۆ لە ئەفغانستان هەڵەیە.

وتیشی: ئەو بڕیارە رێگە بۆ کوشتاری هاووڵاتیانی مەدەنی ئەفغانستان لە سەر دەستی بزوتنەوەی تالیبان خۆشدەکات.

بوش ئاماژەی بەوەشدا، ژنان و کچانی ئەفغانستان لە ئەنجامی کشانەوەی هێزە بیانیەکان زیانی زۆر گەورەیان بەردەکەوێت.

ساڵی 2001 ئەمریکا و ناتۆ لە کاتی سەرۆکایەتی جۆرج بوشی کوڕ وەک کاردانەوەیەک بەرامبەر بە هێرشەکانی 11ی سیپتەمبر هێرشیان کردە سەر ئەفغانستان و کۆتاییان بە دەسەڵاتی بزوتنەوەی تالیبان.

دوای نزیکەی 20 ساڵ شەڕ، بڕیارە تا مانگی ئەیلول (سیپتەمبر)ی ئەمساڵ ئەمریکا و ناتۆ سەرجەم هێزەکانیان لە ئەفغانستان بکشێننەوە، ئەمەش لە کاتێکدایە بزوتنەوەی تالیبان دەستی بەسەر چەندین شار و دەروازەی سنوری ئەو وڵاتەدا گرتووە و بانگەشەی ئەوە دەکەن کە کۆنتڕۆڵی 85٪ی خاکی ئەفغانستانیان بەدەستەوەیە.

بەشی بکە لە
Previous Next
Close
Test Caption
Test Description goes like this