پەرلەمانتارێک: لە ساڵ و نیوێکدا 60 هەزار کەس لە هەرێمەوە کۆچیان کردوە بۆ دەرەوە

0
255

SNN

جێگری سەرۆکی لیژنەی پەیوەندییەکان و رەوەندی کوردستانی باس لەوە دەکات، لە سەرەتای ساڵی 2020ەوە تائێستا زیاتر لە 60 هەزار کەس لە هەرێمی کوردستانەوە بەرەو دەرەوەی وڵات کۆچیان کردووە.

کاروان گەزنەیی، جێگری سەرۆکی کیژنەی پەیوەندییەکان و رەوەندی کوردستانی لە پەرلەمانی کوردستان رایگەیاند: “لە ئێستادا هاوتەریب لەگەڵ قەیرانی مووچە و پێداویستییە رۆژانەکان و گرانبوونی نرخی کاڵا پێویستەکان لە بازاڕەکانی هەرێم، دیاردەی کۆچی گەنجان یەکێکە لە مەترسییە زۆر گەورەکان”.

ئەو پەرلەمانتارە باسی لەوەشکردووە: ” بە گوێرەی ئامارە نافەرمییەکان، تەنها لە ساڵی2020 و شەش مانگی یەکەمی 2021 زیاتر لە 60 هەزار کەس کۆچیان کردووە بۆ دەرەوەی وڵات. دەیان کەس بوون بە قوربانی و نزیکەی 700 کەس لە وڵاتانی بولغاریا، بلاڕووسیا و سڕبیا دەستبەسەرکراون”.

کاروان گەزنەیی راشیگەیاندوە: “ئەم کۆچە بە لێشاوەی گەنجان دەرەنجامی نەبوونی هەلی کار، نەبوونی گەرەنتی ژیانێکی پێویست و خراپی دۆخی ئابووری هاووڵاتییانە، کە پێکەوە ئەمانە ئەنجامی خراپی مامەڵە و بێباکی و کەمتەرخەمی حکومەتی هەرێمی کوردستانن”.

بە بڕوای ئەو پەرلەمانتارە کۆچی گەنجان، سەرباری لەدەستدانی سەروەتێکی گەورەی مرۆیی زۆر کاریگەری کۆمەڵگە، کارانگازی ڕاستەوخۆیی بەسەر داهاتووی هەرێمی کوردستانەوە هەیە، و مەترسییەکان ڕۆژ دوای ڕۆژ زیاتر دەردەکەون، ئاشکراشی کردووە: “بە فەرمی داوامان لەسەرۆکایەتی پەرلەمان کردووە بۆ سازدانی دانیشتنێکی تایبەت لەسەر ئەو پرسە”.

بەشی بکە لە
Previous Next
Close
Test Caption
Test Description goes like this