وەزارەتی پەروەردە رێنمايی مۆڵەتی بێ مووچەی بڵاوکردەوە

0
213
وەزارەتی پەروەردە

SNN

وەزارەتی پەروەردە رێنمایی نوێ لە بارەی مۆڵەتی بێ مووچەی مامۆستا و فەرمانبەرانی پەروەردە بڵاوکردەوە و رايگەياند: “نابێت مۆڵەتی بێ مووچە لە دوو ساڵ زياتر بێت”.

وەزارەتی پەروەردەی ھەرێم لە نوسراوێکدا چەند ڕێنماییەکی نوێی بڵاوکردەوە تایبەت بە مۆڵەتی بێ مووچە، ئاماژەی بەوەکردووە: “مۆڵەتی بێ مووچە نابێت لە دوو ساڵ زیاتر بێت و پێویستە ئەو فەرمانبەرەی داوای مۆڵەت دەکات لە دوای کۆتایی ھاتنی مۆڵەتەکەی، پەیوەندی بە کارەکەیەوە بکاتەوە و دواتر داوای مۆڵەتی تر بکات”.

ئاماژەی بەوەشکردووە: “ئەو مامۆستایانەی لە دەرەوەی وڵاتن و بەھۆی نەخۆشییەوە ناتوانن بگەڕێنەوە، پێویستە بە راپۆرتی پزیشکیی ئەو وڵاتەی لێی نیشتەجێیە پشتڕاست بکرێتەوە”.

وەزارەتی پەروەردە راشیگەیاندووە: “ئەو مامۆستایانەی لە مۆڵەتی دایکایەتیدان، مافیان ھەیە لە ماوەی 10 رۆژ دوای دەستبەکاربوونەوەیان داوای مۆڵەتی بێ مووچە بکەن”.

ھەڵوەشاندنەوەی مۆڵەتی بێ مووچەش پێویستە حەوت ڕۆژ بەسەر دەرچوونی فەرمانی وەزاری تێپەڕ نەبووبێت و دەستی لە کار ھەڵنەگرتبێت”.

بەشی بکە لە
Previous Next
Close
Test Caption
Test Description goes like this