حەشدی شەعبی: هیچ هێرشێک نەکراوەتە سەر هێزەکانمان

0
236

SNN

فەرماندەی ئۆپەراسیۆنەکانی حەشدی شەعبی لە ئەنبار، رەتی کردەوە کە ھێرش کرابێتە سەر ھێزەکانیان لەسەر سنووری عێراق لەگەڵ سووریا و رایگەیاند ئەو هەواڵانەی کە لەوبارەیەوە بڵاوکراونەتەوە، دوورن لە راستییەوە.

لە راگەیەنراوێکدا قاسم موسڵح، فەرماندەی ئۆپەراسیۆنەکانی حەشدی شەعبی لە ئەنبار رەتیکردوەتەوە ھێرش کرابێتە سەر ھێزەکانیان لەسەر سنوور لەگەڵ سووریا و رایگەیاندووە: “ئەو هەواڵانەی کە لەوبارەیەوە بڵاوکراونەتەوە، دوورن لە راستییەوە”.

فەرماندەی ئۆپەراسیۆنەکانی حەشدی شەعبی لە ئەنبار ئاماژەی بەوەشداوە، کە ھێزەکانی حەشدی شەعبی و ھێزەکانی فەرماندەیی ئۆپەراسیۆنە ھاوبەشەکان، بەردەوامن لە جێبەجێکردنی ئەرکەکانیان بە ئامانجی بەرگرتن لە دزەکردنی چەکدارانی داعش و پاراستنی تاوەرەکانی کارەبا.

پێشتر سەرچاوەیەکی ئەمنیی عێراقی رایگەیاندبوو، کە رۆژی یەکشەممە، ئۆتۆمبێلێکی حەشدی شەعبی لە نزیک سنوور لەگەڵ سووریا لەلایەن فڕۆکەیەکی بێفڕۆکەوانەوە بۆردومانکراوە و بەھۆیەوە ژمارەیەک چەکدار کوژراون و برینداربوون.

بەشی بکە لە
Previous Next
Close
Test Caption
Test Description goes like this