سەرکردەی تالیبان: سەرباری سەرکەوتنە سەربازییەکانمان لەگەڵ چارەسەری سیاسیداین

0
516

SNN

سەرکردەی بزوتنەوەی تالیبانی ئەفغانستان باس لەوەدەکات سەرباری پێشڕەوی و سەرکەوتنە سەربازییەکانی ئەم دواییەیان، بەڵام لەگەڵ دۆزینەوەی رێگە چارەیەکی سیاسیدان بۆ قەیرانی وڵاتەکەیان.

هەبەتوڵا ئاخوندزادە سەرکردەی بزوتنەوەی تالیبان لە پەیامێکدا بە بۆنەە جەژنی قوربانەوە رایگەیاندوە: “هەرچەندە هێزەکانیان لە پێشڕەویدان و سەرکەوتنی سەربازی زۆریان بەدەستهێناوە، بەڵام لەگەڵ بژاردەی سیاسیدان بۆ چارەسەرکردنی قەیرانی ئەفغانستان”.

جەختیشیکردوەتەوە، کە “دامەزراندنی سیستەمێکی ئیسلامی و گەڕاندنەوەی ئاشتی و ئارامی بۆ ئەفغانستان ئامانجی لەپێشینەی بزوتنەوەکەیەتی”.

باسی لەوەشکرد، تیمی دانوستانکاری بزوتنەوەکەی لە قەتەر بە تەواوەتی سەرپشک کردووە بۆ گەیشتن بە رێککەوتن و پابەندە بەوەی کێشەکانیان لەگەڵ حکومەتی کابۆل لە رێگەی گفتوگۆوە چارەسەر بکەن.

هەبەتوڵا ئاخوندزادە راشیگەیاندوە: شاندی حوکمەتی ئەفغانستان لە قەتەر کات بە فیڕۆ دەدەن و بە بیری هێناونەتەوە، کە لە بری پستبەستن بە بیانیەکان پێویستە کێشەکانیان لەناوخۆیاندا چارەسەر بکەن و وڵاتەک لەو دۆخە رزگار بکەن کە تێی کەوتووە”.

لە ماوەکانی رابردوودا و لەگەڵ دەستپێکردنی کشانەوەی هێزە بیانییەکان لە ئەفغانستان، بزوتنەوەی تالیبان چەندین شاری ئەو وڵاتەی کۆنتتڕۆڵ کردووە و بۆ دۆزینەوەی رێگەچارەیەکیش بۆ کۆتاییهێنان بە شەڕ، نوێنەرانی حکومەت و ئەو بزوتنەوەیە چەند رۆژێکە لە دەوحەی قەتەر لە دانوستاندان.

بەشی بکە لە
Previous Next
Close
Test Caption
Test Description goes like this