گەشتوگوزاری سلێمانی پلانی جەژنی قوربان و پشووەکانی راگەياند

0
219

 

SNN

گەشتوگوزاری سلێمانی رايگەياند: “بە بۆنەی هاتنی جەژنی قوربانی پیرۆز، ژمارەیەکی زۆر لە میوان و گەشتیاران سەردانی پارێزگای سلێمانییان کردووە و چاوەڕێ دەکرێت لە ڕۆژانی داهاتوو ژمارەکە بەشێوەیەکی بەرچاو بەرزبێتەوە”.

گەشتوگوزاری سلێمانی لە راگەيەندراوێکدا ئاماژەی بەوەکرد: “بەبۆنەی زۆری ژمارەی گەشتيارانەوە بەڕێوەبەرایەتی گشتی گەشتوگوزاری سلێمانی پلانی پێویستی هەیە و گرنگترینیان خۆی لەم خاڵانەی خوارەوە دەبینێتەوە :

-1سەرجەم لیژنەکانی گەشتیاری شاری سلێمانی و قەزاکانی دەوروبەری  پشكنينەکانیان بۆ هاوینەهەوار و سەیرانگا و هەموو شوێنەکانی خاوەن مۆڵەتە گەشتیاریەکان چڕدەکەنەوە.

-2سەنتەرى زانيارى له رۆژانی جەژن و دواتر لە رێگەى هێلێكى گەرمەوە زانیاری پێوێست پێشکەش بە گەشتیاران دەکەن لە ڕێگەی ئەم ژمارە تەلەفونەوە 07725120235 .

-3هەماهەنگى تەواو له نێوان گەشتوگوزار و بازگە و دەروازە و فڕۆکەخانە دروستکراوە بۆ ئاسانکاری زیاتر .

-4تەواوی بەڕێوەبەرایەتیە گشتيیەكانى گەشتوگوزاری  پارێزگاكان بۆ هەر ئاسانكارى و هەماهەنگی و چارەسەری کێشەکان لە پەیوەندی بەردەوام دەبن .

-5بەڕێوەبەری گشتی گەشتوگوزاری سلێمانی ڕاستەوخۆ سەرپەرشتی بەڕێوەچوونی کارەکان دەکات ، پەيوەندى و ئاسانکاری بەردەوامی دەبێت  لەگەڵ هەموو لایەنە کارگێڕییە پێویستەکان بۆ هاتن و ڕۆشتنی میوان و گروپە گەشتیاریەکان چ لە سەنتەری شار و دەرەوەی شارەکان بێت .

بەشی بکە لە
Previous Next
Close
Test Caption
Test Description goes like this