لەماوەی شەش مانگی ڕابردوودا مەرزی باشماخ نزیكەی 120 ملیار دیناری ڕەوانەی وەزارەتی دارایی كردووە

0
276

SNN-عەلی حەمە سەعید

بەڕێوەبەری گومرگری مەرزی نێودەوڵەتی باشماخ ئاماژە بەوە دەكات لە سەرەتای شەش مانگی ئەمساڵەوە لە مەرزی نێودەوڵەتی باشماخ نزیكەی 120 ملیار دینار داهاتیان هەبووە و سەرجەمی ئەو داهاتەش بە پسولە و وردەكارییەوە ڕادەستی وەزارەتی دارایی كراوە، هاوكات بە بەراورد بە ساڵی ڕابردووش هاتنی 15 هەزار بارهەڵگر لە مەرزی باشماخەوە كەمیكردووە.

شاخەوان بەكر، بەڕێوەبەری گومرگی مەرزی نێودەوڵەتی باشماخ بەSNNی ڕاگەیاند: بڕی داهاتی مەرزی نێودەوڵەتی باشماخ لە ماوەی شەش مانگی سەرەتای ئەمساڵ بریتی بووە لە 119 ملیار و 505 ملیۆن 685 هەزار دینار، هاوكات سەرجەمی ئەو داهاتە بە ژمارە حسابی و بە وردەكارییەوە خراوەتە سەر ژمارە حسابی وەزارەتی دارایی و ئابووری حكومەتی هەرێم و یەك دیناری نییە نە چووبێتە سەر ژمارە حسابییەكی دیكە جگە لە وەزارەتی داریی و ئابووری.

ئاماژەی بەوەشكرد، بەپێی ئەو ئامارانەی كە لەبەردەستماندان لەسەرەتای ئەمساڵەوە تا 31/5/2021 لەمەرزی نێودەوڵەتی باشماخەوە 64 هەزار و 744 ئۆتۆمبێلی بارهەڵگر لەئێرانەوە هاتوونەتە هەرێمی كوردستان، ئەو ئۆتۆمبێلانە پێكدێن لەتانكەری گواستنەوەی سوتەمەنی و هەروەها ئۆتۆمبێلی هاوردەكردنی خۆراك و پێداویستی ڕۆژانەی هاووڵاتیان كە كاری بازرگانی دەكەن لەنێوان هەرێم و ئێراندا.

بەڕێوەبەری گومرگی مەرزی نێودەوڵەتی باشماخ ئەوەشی خستەڕوو، هاتووچۆی ئۆتۆمبێلی بارهەڵگر بە بەراورد بە شەش مانگی ساڵی ڕابردوو نزیكەی 15 هەزار ئۆتۆمبێلی بارهەڵگر كەمیكردووە، بەجۆرێك لە شەش مانگی ساڵی ڕابردوودا 80 هەزارو 256 ئۆتۆمبێلی بارهەڵگر لەئێرانەوە هاتبوونە هەرێم، لەتەواوی ساڵی 2020 كۆی گشتی هاتنی ئۆتۆمبێلی بارهەڵگر بە تانكەری گواستنەوەی سوتەمەنی و ئۆتۆمبێلی هاوردەكردنی خۆراك و پێداویستی بریتی بووە لە 172 هەزار و 31 ئۆتۆمبێل، ئەو كەمبوونەوەیەی ئەمساڵیش پەیوەندی بە بەردەوامی بڵاو بوونەوەی ڤایرۆسی كۆرۆناوە هەیە، هاوكات ئەو داهاتەی كە لەماوەی ئەم شەش مانگەی ڕابردوو دەستكەوتووە لە هاتووچۆی ئۆتۆمبێلی بارهەڵگر و تانكەرەكانی گواستنەوەی سوتەمەنی و هاوردەكردنی كاڵاو شمەكی جۆراوجۆری بازرگانی دەستكەوتووە.

بەشی بکە لە
Previous Next
Close
Test Caption
Test Description goes like this