وڵاتانی رۆژئاوایی داوادەکەن حکومەتی گواستنەوە لە ئەفغانستان پێکبهێنرێت

0
360

SNN

وڵاتانی رۆژئاوایی بۆ یەکەمجار پێشنیار دەکەن لە رێگەی پێکهێنانی حکومەتێکی گواستنەوەی فرەلایەنەوە کۆتایی بە شەڕ و توندوتیژییەکانی ئەفغانستان بهێنرێت.

لە بەیاننامەیەکدا ئەمریکا، یەکێتی ئەوروپا و بەریتانیا رایانگەیاندوە: “گەیشتن بە رێککەوتنێکی سیاسی کۆتایی لە ئەفغانستان، بەتایبەتی لەسەر پرسی دەستور کاتێکی زۆری پێویستە، هەر بۆیە لە ئێستادا پێیانوایە باشترین بژاردە راگەیاندنی ئاگربەست بێت لە نێوان حکومەتی ئەو وڵاتە و تالیبان”.

پێشنیاریشیان کردووە، “حکومەتیکی گواستنەوەی فراوان پێکبهێنرێت تا ئەو کاتەی رێککەوتنی کۆتایی لە بارەی ئایندەی سیاسی ئەفغانستانەوە دەکرێت”.

ئاماژەیان بەوەشکردوە، “لە قۆناغی حکومەتی کاتی و حکومەتی هەمیشەیی ئەفغانستاندا پێویستە رێز لە بنەماکانی مافی مرۆڤ و مافی ژنان بگیرێت و مافی هەڵبژاردن و کارکردن بە پێوەرە دیموکراسیەکان پارێزراو بێت”.

هەروەک داواشیان کردووە، “حکومەتی ئەفغانستان و لایەنە سیاسیەکانی ئەو وڵاتە لە هیچ دۆخێکدا رێگە نەدەن وڵاتەکەیان ببێتە پەناگەیەک بۆ خۆحەشاردانی گروپە تیرۆریستییەکان”.

ئەمە جاری یەکەمە وڵاتانی رۆژئاوایی و کۆمەڵگای نێودەوڵەتی باس لە پێکهێنانی حکومەتی گواستنەوە لە ئەفغانستان بکەن وەک رێگەچارەیەک بۆ کۆتاییهێنان بە شەڕ و توندوتیژییەکانی ئەو وڵاتە.

لەگەڵ دەستپێکردنی کشانەوەی هێزە بیانیەکان لە ئەفغانستان، بزوتنەوەی تالیبان دەستی بە پێشڕەوی کردووە و بەشێکی فراوانی رووبەری ئەو وڵاتەی کۆنتڕۆڵ کردووە و شەڕ و توندوتیژییەکان بوونەتە هۆی ئاوارەبوونی سەدان هەزار کەس.

بەشی بکە لە
Previous Next
Close
Test Caption
Test Description goes like this